Bajcheʼ yom miʼ cʼʌjñel jiñi folleto Ñichʼtan Dios

Jiñi folleto Ñichʼtan Dios miʼ chʼʌm tilel dibujo tac chajpʌbil bʌ chaʼan mi lac tsictesʌben jiñi ñumen ñuc bʌ cʌntesʌntel am bʌ ti Biblia jiñi mach bʌ wen yujilobic jun. Jujumpʼejl cʌntesʌntel miʼ chʼʌm tilel chaʼpʼejl i yopol i an i chaʼan dibujo tac wen chajpʌbil bʌ, i chaʼan miʼ taj majlel i bʌ yicʼot yambʌ dibujo tac.

Jiñi folleto Ñichʼtan Dios i chumlen ti pejtelel ora miʼ ñumen chʼʌm tilel letra tac pero lajal i dibujolel bajcheʼ jiñi Ñichʼtan Dios. Jiñi yujil bʌ jun miʼ mejlel i cʼʌn ti estudio ili folleto, yicʼot jiñi xsubtʼañob jiñʌch muʼ bʌ i cʼʌñob anquese jiñi woli bʌ i chʼʌm estudio mi cʼʌn jiñi folleto Ñichʼtan Dios. An i yopol muʼ bʌ i chʼʌm tilel recuadro chaʼan miʼ chajpʌntel yicʼot jiñi woli bʌ i chʼʌm estudio.

Miʼ mejlel a cʼʌn ili folleto tac anquese mach jiñic woli bʌ i cʼʌjñel ti jiñi uw. Cheʼ bʌ maʼ chaʼlen pʌs estudio, miʼ mejlel a cʼʌn jiñi dibujo tac chaʼan maʼ tsictesan jiñi am bʌ ti Biblia. Melben cʼajtiya tac jiñi woli bʌ a pʌsben estudio chaʼan maʼ ñaʼtan mi choncolʌch i chʼʌmben isujm. Pejcan yicʼot tsictesan jiñi texto tac am bʌ tiʼ yujtibal jujumpʼejl i yopol. Cheʼ tsaʼix joloñi jiñi folleto miʼ mejlel a cʼʌn jiñi libro ¿Chuqui miʼ cʌntesañonla tiʼ sujmlel jiñi Biblia? chaʼan maʼ coltan i ñumen cʌn i chaʼan bʌ Dios i miʼ cʼotel ti chʼʌmjaʼ.