Sʌclan a wamigojob chaʼan mach a bajñel maʼ wubin a bʌ | Jiñi Biblia miʼ mejlel i coltañet

Ti 2023, jiñi expertojob tsiʼ yʌlʌyob chaʼan yomʌch miʼ coltʌntelob jiñi i bajñel bʌ miʼ yubiñob i bʌ come iliyi jumpʼejlʌch tsʌts bʌ wocol. ¿Muʼ ba i mejlel lac mʌlben ili wocol?

• «Miʼ mejlel i cʼamʼesañonla cheʼ lac bajñel mi la cubin lac bʌ yicʼot cheʼ mi lac ñajtʼesan lac bʌ tiʼ tojlel yambʌlob. Pero miʼ mejlel lac mʌl mi ti jujumpʼejl qʼuin mi lac chaʼlen wersa lac sʌclan la camigojob» (Vivek Murthy, director general de Salud Pública de Estados Unidos).a

Mach cojach cheʼ bajñel añonla miʼ mejlel la cubin chaʼan lac bajñel jach. Tajol an i bajñel jach bʌ miʼ yubin i bʌ anquese yaʼan yicʼot yambʌlob. Mach yʌlʌyic chucoch lac bajñel mi la cubin lac bʌ, jiñi Biblia miʼ yʌqʼueñonla ticʼojel tac muʼ bʌ i coltañonla chaʼan mach cheʼic mi la cubin lac bʌ bajcheʼ jiñi, junchajp jiñʌch cheʼ mi lac ñumen lʌcʼtesan lac bʌ ti la camigojob.

Ticʼojel tac am bʌ ti Biblia mejl bʌ i coltañet

Ñumen pejcan yambʌlob. Ili mach yomic i yʌl chaʼan jin jach mi caj a wʌl bajcheʼ yubil maʼ wubin, yaʼ ochem cheʼ maʼ wen ñʌchʼtan muʼ bʌ i yʌl yambʌlob. Cheʼ maʼ ñumen chʼʌm ti ñuc jiñi yambʌlob, ñumen lʌcʼʌl mi caj a wajñel tiʼ tojlelob.

• Texto: «Mach bajñel laʼ wenlelic mi laʼ sʌclan, mi laʼ sʌclan i chaʼan yambʌlob jaʼel» (Filipenses 2:4).

Sʌclan yambʌ a wamigojob. Sʌclan yambʌ a wamigojob mach bʌ lajalic i jabilel bajcheʼ a chaʼan, yambʌ bʌ i cultura o i país.

• Texto: Jambeñob laʼ pusicʼal (2 Corintios 6:13).

Mi a wom a ñumen cʌn bajcheʼ miʼ mejlel a sʌclan yambʌ a wamigojob, pejcan jiñi tema «Cómo saciar la sed de amistad».