Coltan yambʌlob chaʼan mach a bajñelic maʼ wubin a bʌ | ¿Chuqui miʼ yʌl jiñi Biblia?

Tiʼ pejtelel pañimil, yonlel lac piʼʌlob i bajñel miʼ yubiñob i bʌ i maʼañic i yamigojob miʼ yubiñob. An doctorob muʼ bʌ i ñaʼtañob chaʼan junchajp muʼ bʌ i mejlel lac mel chaʼan mach lac bajñelic mi la cubin lac bʌ jiñʌch cheʼ mi laj coltan yambʌlob.

• «Cheʼ mi laj coltan yambʌlob miʼ mejlel i yʌqʼuen i sujmlel laj cuxtʌlel, miʼ coltañonla chaʼan mach lac bajñelic mi la cubin lac bʌ yicʼot chaʼan maʼañic mi lac ñajtʼesan lac bʌ tiʼ tojlel yambʌlob» (Institutos Nacionales de la Salud, de Estados Unidos).

Jiñi Biblia miʼ subeñonla chuqui tac miʼ mejlel lac mel chaʼan mi laj coltan yambʌlob. Cheʼ mi lac jacʼ miʼ mejlel i coltañonla chaʼan mach lac bajñelic mi la cubin lac bʌ.

Muʼ bʌ i mejlel a mel

Pʌsʌ a wutslel. Aqʼuen yambʌlob chuqui an a chaʼan, bajcheʼ jiñi a tiempo. Aqʼuen i yorajlel chaʼan maʼ wajñel a wicʼot yambʌlob. Jiñi lac piʼʌlob miʼ qʼuelob ti ñuc cheʼ mi lac pʌs la cutslel i jiñi miʼ coltañonla chaʼan mi lac taj wem bʌ la camigojob.

• Texto: «Chʌn acʼʌla i mi caj laʼ wʌqʼuentel» (Lucas 6:38).

Cʼʌñʌ a pʼʌtʌlel chaʼan maʼ coltan yambʌlob. Sʌclan bajcheʼ miʼ mejlel a coltan jiñi woli bʌ i ñusañob wocol. Jumpʼejl ejemplo, wen ñʌchʼtañob o subeñob chaʼan an chuqui a wom a mel chaʼan maʼ coltañob.

• Texto: «Mi isujm miʼ cʼuxbiñonla laj cʌñʌ bʌ maʼanic miʼ cʌy i cʼuxbiñonla tiʼ pejtelel ora» (Proverbios 17:17).

Mi a wom a ñumen cʌn bajcheʼ mi mejlel a taj wem bʌ a wamigojob, pejcan jiñi tema «Ti lac familia yicʼot ti la camigojob».