Ñumen cabʌlob i bajñel bʌ miʼ yubiñob i bʌ | ¿Chuqui miʼ yʌl jiñi Biblia?

Jumpʼejl estudio tsaʼ bʌ mejli tiʼ petol pañimila tsiʼ yʌlʌ chaʼan ti chʌntiquil lac piʼʌlob juntiquil i bajñel miʼ yubin i bʌ.

• «Majqui jach i bajñel miʼ mejlel i yubin i bʌ, mach yʌlʌyic jaypʼejl i jabilel o baqui chumul» (Chido Mpemba, copresidenta de la Comisión de la Organización Mundial de la Salud sobre Conexión Social).

Tajol mi lac ñaʼtan chaʼan jin jach jiñi muʼ bʌ i ñajtʼesañob i bʌ tiʼ tojlel yambʌlob o jiñi ñoxobix bʌ i bajñel miʼ yubiñob i bʌ, pero cheʼʌch miʼ yubiñob jaʼel jiñi xcolelob, jiñi cʼocʼoʼ bʌ, jiñi ñujpuñemoʼ bʌ o jiñi wem bʌ chumulob. Cheʼ an majqui miʼ ñajtʼesan i bʌ tiʼ tojlel yambʌlob miʼ mejlel i cʼamʼesan o i yʌqʼuen i cʌlʌx chʼijyemlel.

• «Ili wocol mach cojach miʼ ticʼlan bajcheʼ yubil mi la cubin [...]. Jiñi muʼ bʌ i ñajtʼesañob i bʌ tiʼ tojlel yambʌlob lajal miʼ ticʼlan i bʌ bajcheʼ jiñi muʼ bʌ i ñucʼ 15 cʼujts ti jujumpʼejl qʼuin, miʼ mejlel i yʌcʼ ti chʌmel» (Vivek Murthy, director general de Salud Pública de Estados Unidos).

Muʼ bʌ i yʌl jiñi Biblia

Jiñi tsaʼ bʌ i Meleyonla mach yom chaʼan mi lac ñajtʼesan lac bʌ. Dios yom chaʼan an wem bʌ la camigojob muʼ bʌ i mejlel lac ñusan qʼuin la quicʼotob.

• Texto: «Lac Yum Dios tsiʼ yʌlʌ: Mach utsʼatic miʼ yajñel tiʼ bajñelil jini winic» (Génesis 2:18).

Dios yom chaʼan i yamigojonla. Miʼ subeñonla chaʼan mi caj i lʌcʼtesan i bʌ ti lac tojlel mi mucʼʌch lac chaʼlen wersa lac lʌcʼtesan lac bʌ tiʼ tojlel (Santiago 4:8).

• Texto: «Tijicñayob jiñi muʼ bʌ i ñaʼtañob chaʼan i cʼʌjñibalʌch i chaʼañob Dios come i chaʼañobʌch jiñi i Yumʌntel panchan» (Mateo 5:3).

Dios yom chaʼan mi lac chʼujutesan yicʼot yambʌ lac piʼʌlob. Cheʼ bʌ mi lac mel, ñumen tijicñayonla.

• Texto: «Laʼ laj comol ñaʼtan lac bʌ chaʼan mi lac ñijcʌben lac bʌ lac pusicʼal lac pʌs cʼuxbiya yicʼot chaʼan mi lac mel chuqui tac wen, pero mach laj cʌy lac tempan lac bʌ [...]. Laʼ lac tijicñesʌben lac bʌ lac pusicʼal» (Hebreos 10:24, 25).

Mi a wom a ñumen cʌn chucoch mach yomic maʼ ñajtʼesan a bʌ ti tojlel yambʌlob, pejcan jiñi tema «Soledad en la era de la comunicación».