Acʼʌ chaʼan miʼ bajñel loqʼuel majlel jiñi tʼan

Tsaʼ bʌ i mele Felipe

VIDEO: Felipe miʼ suben wen tʼan juntiquil etíope

1. Qʼuele jiñi VIDEO o pejcan Hechos 8:30, 31. Cheʼ jiñi ñaʼtan ili cʼajtiya tac:

1. ¿Bajcheʼ tsiʼ techeʼ i tʼan Felipe?

2. ¿Chucoch wen jach bajcheʼ tsiʼ techeʼ i tʼan chaʼan ti wiʼil miʼ mejlel i pʌsben jiñi maxto bʌ i cʌñʌyic?

¿Chuqui mi laj cʌn tiʼ tojlel Felipe?

2. Cheʼ bʌ mi la cʌcʼ chaʼan miʼ bajñel loqʼuel majlel jiñi tʼan i maʼañic woli lac xicʼ yilal jiñi lac piʼʌl, tajol mucʼʌch caj i ñumen mulan tʼan yicʼot mucʼʌch caj i ñʌchʼtañonla.

Lajin Felipe

3. Qʼuele bajcheʼ yilal jiñi lac piʼʌl. ¿Chuqui miʼ yʌqʼueñet a ñaʼtan i ñiʼ i wut? ¿Yomʌch ba tʼan yilal? Junchajp bajcheʼ miʼ mejlel a suben chaʼan bʌ jiñi Biblia jiñʌch cheʼ maʼ cʼajtiben: «¿A wujil ba chaʼan…?». Mach a wersa xicʼ ti tʼan juntiquil lac piʼʌl mi mach yomic.

4. Pʌsʌ a pijt. Mach a ñaʼtan chaʼan ti ora yom maʼ waʼ al chaʼan bʌ Biblia. Pijtanto chaʼan miʼ bajñel loqʼuel majlel jumpʼejl tema baqui miʼ mejlel a wʌl chaʼan bʌ Biblia. Tajol jinto cheʼ bʌ maʼ chaʼ taj a pejcan jiñi lac piʼʌl mi caj i mejlel a suben muʼ bʌ i yʌl jiñi Biblia.

5. Alʌ woli bʌ i taj ti tʼan jiñi lac piʼʌl. Tajol mach pijtʌbilic a chaʼan chuqui miʼ tech i yʌl jiñi woli bʌ a pejcan. Mi cheʼ bajcheʼ jiñi, jiñʌch yom maʼ wʌl jiñi tema woli bʌ i yʌl i mach jiñix jiñi ñaʼtʌbil bʌ a chaʼan.