Сӑваплӑ ӗҫе ытларах хутшӑнма тӗллев тытӑр
1. Каҫхи апат уяв тапхӑрӗ мӗнле лайӑх май уҫать тата унпа мӗнле усӑ курмалла?
1 Христос вилнине аса илмелли Каҫхи апат уяв тапхӑрӗ — Иеговӑна тута-ҫӑварпа нумай мухтамашкӑн лайӑх май (Пс. 108:30). Кам тӳлесе илме парне панӑ, Ҫавна пархатарлӑ пулнине кӑтартас тесе эсир мартра сӑваплӑ ӗҫе хастарлӑрах хутшӑнма пултаратӑр-и? Ҫакӑн пирки халех шухӑшласа пӑхмалла (Ытар. 21:5).
2. Иртнӗ ҫулти апрельте пулӑшакан пионерсен сехет нормине чакарни ҫинчен тӑвансем мӗн калаҫҫӗ тата ҫак ҫӗнӗлӗх пирки эсир мӗн шутлатӑр?
2 Пулӑшакан пионер пулса ӗҫлени. Иртнӗ ҫул нумай хыпарҫӑ апрельте чакарнӑ сехет нормине туса пулӑшакан пионер пулса ӗҫлеме пулни ҫинчен пӗлсен пӗр вӑхӑтрах тӗлӗннӗ те, савӑннӑ та. Пӗр арҫын тӑван ҫырнӑ: «Эпӗ аслӑ классенче вӗренетӗп, ҫавӑнпа та хальлӗхе тулли пионер пулса ӗҫлеме пултараймастӑп. Анчах апрельте эпӗ 30 сехет ҫырса парасшӑн, хам вара 50 сехет тума тӑрӑшса пӑхасшӑн». Хӗрарӑм тӑван вара, тулли ӗҫ кунӗ ӗҫлекенскер, каланӑ: «Вӑтӑр сехет — ку тӗллеве чӑннипех пурнӑҫлама пулать!» Ҫак май ҫинчен пӗлтерсен, малтан пионер пулса ӗҫленӗ пӗр хӗрарӑм тӑван, 80 ҫула ҫитнӗскер, ҫапла каланӑ: «Ҫакна эпӗ питӗ кӗтнӗ! Пионер пулса ӗҫленӗ вӑхӑт ман пурнӑҫри чи лайӑх вӑхӑт пулнине Иегова пӗлет!» Кам пулӑшакан пионер пулса ӗҫлеме пултарайман, ҫавсем сӑваплӑ ӗҫре ытларах тума тӗллев лартнӑ.
3. Мартра, апрельте тата майра пулӑшакан пионер пулса ӗҫлесси пирки мӗншӗн шухӑшласа пӑхмалла?
3 Кӑҫал мартра, пулӑшакан пионер пулса ӗҫлесен, эпир каллех сехет нормине суйласа илме пултаратпӑр: 30 е 50 сехет. Унсӑр пуҫне мартӑн 17-мӗшӗнче, шӑмат кун, Каҫхи апат уявне чӗнмелли кампани пуҫланать, вӑл апрелӗн 5-мӗшӗччен пырӗ. Мартра пулӑшакан пионер пулса ӗҫленӗ хыҫҫӑн нумайӑшӗ, тен, апрельте те, майра та ахаль чухнехи нормӑна (50 сехет) туса пионер пулса ӗҫлеме шут тытӗ.
4. Сӑваплӑ ӗҫе ытларах хутшӑнма мӗнле пулать тата ҫакӑ мӗн парӗ?
4 Ҫемьепе пӗрле Турра пуҫҫапмалли ҫитес каҫра ҫемьере кашни Каҫхи апат уяв тапхӑрӗнче сӑваплӑ ӗҫе ытларах хутшӑнма мӗнле пултарни ҫинчен мӗншӗн-ха сӳтсе явас мар (Ытар. 15:22). Иеговӑна хӑвӑр тӑрӑшнине пиллеме ыйтӑр (1 Иоанн 3:22). Сӑваплӑ ӗҫре ытларах туса эпир Иеговӑна мухтава кӑларӑпӑр кӑна мар, хамӑр та нумай савӑнӑҫ илӗпӗр (2 Кор. 9:6).