Каҫхи апат уявне чӗнмелли кампани мартӑн 1-мӗшӗнче пуҫланать
1. Каҫхи апат уявне чӗнмелли кампани хӑҫан пуҫланать тата вӑл мӗншӗн кӑҫал вӑрӑмрах пулать?
1 Кӑҫал Каҫхи апат уявне чӗнмелли кампани мартӑн 1-мӗшӗнче эрнекун пуҫланать. Каҫхи апат уявӗ мартӑн 26-мӗшӗнче иртӗ, эппин, кампани иртнӗ ҫулсенчисенчен вӑрӑмрах пулать. Ҫавна пула ытларах ҫын чӗнӳ хутне илме пултарать, уйрӑмах пухӑвӑн территорийӗ пысӑк пулсан.
2. Эпир чӗнӳ хучӗсене мӗнле илӗпӗр тата территорие мӗнле тухӑпӑр?
2 Кампание мӗнле йӗркеленӗ. Пухӑвӑн территорине мӗнле тухмаллине тата килте никам та пулман ҫӗрте чӗнӳ хучӗсене хӑвармалла-и е хӑвармалла мар, ҫавна старейшинӑсем калӗҫ. Участоксене пурне те тухнӑ хыҫҫӑн чӗнӳ хучӗсем юлчӗҫ пулсан, вӗсене ҫын нумай пулакан вырӑнсенче ырӑ хыпар сарнӑ май салатма пулать. Сӑваплӑ ӗҫӗн надзирателӗ хыпарҫӑсем валли литература хумалли сӗтел ҫинче ҫырса хатӗрленӗ чӗнӳ хучӗсем ҫителӗклӗ пулччӑр тесе тӑрӑшӗ, анчах пур чӗнӳ хутне те тӳрех кӑларса хумалла мар. Эрне хушшинче мӗн чухлӗ чӗнӳ хучӗ салатма пулать, ҫавӑн чухлӗ кӑна илмелле.
3. Чӗнӳ хучӗсене сӗннӗ чухне мӗн асра тытмалла?
3 Мӗнле сӗнмелле? Кӗскен каласан эпир нумайрах ҫынпа калаҫма пултарӑпӑр. Чӗнӳ хутне мӗнле сӗнмеллине 4-мӗш страницӑра кӑтартнӑ, ӑна хамӑр пурӑнакан вырӑна шута илсе улӑштарма юрать. Ҫын калаҫма хатӗр пулсан е ыйтусем парать пулсан, паллах, калаҫӑва хӑвӑрт вӗҫлеме кирлӗ мар. Кампание канмалли кунсенче хутшӑннӑ чухне эпир вырӑнлӑ пулсан брошюрӑсем те сӗнме пултаратпӑр. Мартӑн 2-мӗшӗнче эпир Библи вӗренӗвӗсем пуҫлама мар, чӗнӳ хучӗсем салатас тесе тӑрӑшӑпӑр.
4. Пирӗн мӗншӗн кампание хастаррӑн хутшӑнмалла?
4 Каҫхи апат уявӗнче пирӗнпе пӗрле нумай ҫын пуласса эпир шанатпӑр. Докладра Иисус чӑннипе кам пулнине (1 Кор. 11:26), унӑн вилӗмӗ пире мӗнле усӑ панине (Рим 6:23) тата ун ҫинчен мӗншӗн аса илмеллине ӑнлантарса парӗҫ (Иоанн 17:3). Ҫак кампание айтӑр хастаррӑн хутшӑнар!