Стендпа усӑ курса ырӑ хыпар сарасси
Стендпа е сӗтелпе усӑ курса ырӑ хыпар пӗлтерни пысӑк усӑ кӳрет: тӳрӗ кӑмӑллӑ ҫынсене чӑнлӑха пӗлме пулӑшать (Иоанн 6:44). Ҫавӑнпа старейшинӑсене пухӑвӑн территорийӗнчи нумай халӑх ҫӳрекен вырӑнсенче ҫак майпа ырӑ хыпар пӗлтерес ӗҫе йӗркелеме хавхалантарнӑ. Стенда пӗр вырӑнтан тепӗр вырӑна куҫарма пулнӑран вӗсемпе усӑ курма ытларах чухне влаҫсенчен ирӗк ыйтмалла мар. Ҫак майпа ырӑ хыпар сарас ӗҫе кам хутшӑнма пултарать? Тавҫӑруллӑ, хӑйсене тивӗҫлӗ тытма пултаракан, калаҫма-хутшӑнма пӗлекен хыпарҫӑсем. Аяларах илсе панӑ канашсем хыпарҫӑсене ӑнӑҫлӑрах пулма пулӑшӗҫ.