Ырӑ хыпар сарас ӑсталӑха лайӑхлататпӑр. Библи вӗренмелли плансемпе мӗнле усӑ курмалла

Ҫакӑ мӗншӗн питӗ кирлӗ. Библи вӗренмелли плансем — ыттисене вӗрентме усӑ курмалли питӗ лайӑх хатӗр. Ҫынпа Библи вӗренес тетпӗр пулсан, пӗр-пӗр темӑна уҫса паракан плана суйласа илмелле те калаҫӑва вӗҫленӗ чухне ӑна ҫынна сӗнмелле (Ытар. 22:29). Плансене сӗнмелли меслетсем нумай, хыпарҫӑсен вара ӑнӑҫлӑ пулнисемпе усӑ курмалла.

Ҫакна мӗнле тумалла:

Ҫынна интереслентерме пултаракан, планри тӗп пунктсенчен пӗрин ҫине тимлеттерме май паракан ыйтӑва пар. Тӗп пункт вӗҫӗнче ҫырса панӑ ыйтӑва та пама юрать. Ҫын мӗн хуравланине итле те вырӑнлӑ сӑвӑ йӗркине вуласа пар. Тен, эсӗ ҫав сӑвӑ йӗркине унпа кӗскен сӳтсе явас тейӗн.
Капла та тума пулать: сӑмахран, нумаях пулмасть хыпарсенче пӗлтернӗ инкек-синкек ҫинчен асӑн та нумайӑшӗ ҫак ыйтусен хуравӗсене пӗлесшӗн тесе кала. [Вырӑнлӑ планри ыйтусене кӑтарт.] Е пире кӗтекен лайӑх пуласлӑх пирки каласа пама килтӗм теме пулать. Унтан планри вырӑнлӑ тӗп пункта, тӗслӗхрен «Пирӗн пуласлӑх» ятлине, кӑтарт та ҫапла ыйт: «Ҫак сӑмах панисенчен хӑшӗ пурнӑҫланнине сирӗн курас килет?» Е эпӗ паян ҫынсемпе кӗскен калаҫатӑп, нумайӑшне хумхантаракан ыйтусен хуравӗсене пӗлме пулӑшатӑп теме пулать. Ун хыҫҫӑн пӗр е темиҫе планри тӗп пунктсем вӗҫӗнче илсе панӑ ыйтусене кӑтарт та ҫынна хӑшӗ ытларах интереслентернине ыйт.
Ҫынна Библи вӗренме тӳррӗн сӗн. Ҫапла калама пулать: «Эпӗ ҫынсене тӳлевсӗрех Библи вӗренме пулӑшатӑп, халӗ манӑн тата темиҫе вӗренекен валли вӑхӑт пур. Вӗренӳ темиҫе уйӑха пырать тата ҫак ыйтусен хуравӗсене пӗлме пулӑшать: кам вӑл Турӑ? Мӗншӗн хӗн-асап нумай? Ҫын вилсен унпа мӗн пулать?» Ун хыҫҫӑн ыйт: «Вӗренӳ мӗнле иртнине кӑтартма юрать-ши сире?»

Ҫак уйӑхра усӑ курмалли канашсем:

Ҫемьепе пӗрле пуҫҫапнӑ вӑхӑтра калаҫӑва пуҫламалли майпа усӑ курма хатӗрленӗр, репетици тӑвӑр.
Ырӑ хыпара пӗрле саракан хыпарҫӑна хӑв калаҫӑва мӗнле пуҫлама шут тытнине кала (Ытар. 27:17). Калаҫӑва пуҫламалли май ӑнӑҫлӑ пулмарӗ пулсан, ӑна улӑштарса пӑх.