Gweddi Diolchgarwch

1. Raslon Jehofa, dyrchafwn dy foliant:

Canwn dy glod ein Penarglwydd a’n Duw.

Wrandäwr gweddi, clyw ymbil diffuant

Tyrfa ffyddlonaf o blith dynolryw.

Mynych ffaeleddau i’r brig deuant beunydd;

Maddau, erfyniwn, ein gwendid a’n cam.

Gwaed drudfawr Crist brynodd inni’n dragywydd

Fyd lle gweinyddir cyfiawnder di-nam.

2. Gwyn fyd y rhai atat Iôn gânt ddynesu,

Ceisiant dy hawddgar gynteddau, O Jah.

Cyfraith ddilychwin ddiddyma ddrygioni,

Glynu a wnawn wrth yr uniawn a’r da.

Perthyn it Dduw mae gogoniant ac urddas;

Nerth a ddarperi in sefyll ein tir.

Duw iachawdwriaeth, cyfarchwn dy Deyrnas—

Arf Theocratiaeth, sylfaenwaith y gwir.

3. Daear, coronog a fydd â’th ddaioni,

Hedd a gorfoledd a leinw y wlad.

Deddfau cyfiawnder fydd iddi’n sylfeini,

Cadarn deyrnasiad dy Fab rydd lesâd.

Gwaeledd ni welwn, na thristwch, nac angau;

Cread clodfori wna fendigaid Lyw.

Iddo rhown ddiolch â chân buddugoliaeth:

“Mawr yw Jehofa ein Brenin clodwiw!”