Ydy Grym Gair Duw yn Eich Bywyd Chi?

Gall darllen y Beibl yn ddyddiol ein helpu ni i ‘gadw ein gwreiddiau yn Iesu, a chael ein cadarnhau yn y ffydd.’ (Col. 2:6, 7) Ond, er mwyn i Air Jehofa gael effaith rymus ar ein bywydau, mae angen inni fyfyrio ynddo a rhoi ei egwyddorion ar waith. (Heb. 4:12; Iago 1:22-25) Mae Josua 1:8 yn rhoi cynllun darllen tri cham inni: (1) Darllenwch Air Duw “ddydd a nos.” (2) ‘Myfyriwch ynddo,’ sy’n golygu rhoi digon o amser i feddwl yn ddwys am yr hyn rydych chi’n ei ddarllen, gan ddychmygu’r amgylchiadau a’r sefyllfa. (3) Rhowch ar waith “y cyfan sy’n ysgrifenedig ynddo.” Bydd rhoi’r awgrymiadau hyn ar waith yn ein galluogi ni i ‘lwyddo yn ein ffyrdd’ ac i weithredu’n ddoeth yn ein bywydau pob dydd.