Cân 3 (6)

Cyhoeddwch yr Efengyl Dragwyddol

(Datguddiad 14:6-8)

1. Yng nghanol nef eheda angel Duw yn daer,

Cyhoeddi mae efengyl y tragwyddol Air.

Yn uchel dwed: ‘O ofnwch Dduw cans daeth ei awr,

Fe farna’r holl drigolion sydd ar ddaear lawr.

Gogoniant ac addoliad rhowch i Fawr Dduw’r nef;

Ag arswyd clyw’r drygionus rai ei nerthol lef.’

Ond chwi, gyhoeddwyr dewr y Deyrnas, nawr gwrandewch:

Heb ofn, pregethwch newydd da Duw. Ymgryfhewch.

2. Yn dilyn hyn daw angel arall teg, a dweud

Am waith mae Tystion dewr Jehofah nawr i’w wneud.

Sôn mae am syrthio dinas ddrwg, Fawr Babilon,

Ei difa’n llwyr gan Dduw fydd tynged erchyll hon.

I holl orchmynion Duw Jehofah ufuddhawn;

Cyhoeddwn ddydd ei ddial, a’i glodfori wnawn.

Terfynau’n maes pregethu sydd yn eang, wir;

Ond ar y blaen â angel Duw yn hyn drwy’n tir.

3. Daw Mab y Dyn â’i ogoneddus nefol lu

I farnu’r holl genhedloedd ar ein daear ni.

Casewch y drwg, a glynwch wrth yr hyn da sydd.

O ofnwch Dduw ac ufuddhewch â chadarn ffydd.

Dan rwymedigaeth rydym i orchymyn mawr,

‘Pregethwch bur efengyl Duw’r gwirionedd nawr.’

Anogaeth rown fel gweinidogion dros ddae’r gron,

“Addolwch Dduw Jehofah; rhowch wasanaeth llon.”