Cân 14 (34)

Byw Fel Tystion

(Eseia 43:10-12)

1. Sanctaidd Jehofah, cadernid tragwyddol,

Perffaith mewn cariad a phob rhinwedd gwiw;

Ffynnon gwirionedd a bythol ddoethineb,

Ti yw ein Brenin, Penllywydd clodwiw.

Yn gweini arnat mae lluoedd angylion;

Sêr y ffurfafen dy foliant a gân.

Ni yw dy Dystion, mae arnom dy enw;

Rhodiwn yn ufudd i’th orchmynion glân!

2. Cymorth, Jehofah, rho i ni’n feunyddiol,

Clodforwn d’enw a phorthwn dy ŵyn.

Boed i ni ddilyn yn ôl traed Crist Iesu,

Ffyddlon i’w eiriau fe geisiwn ymddwyn.

Gofal gwastadol rhaid rhoi i’n haddoliad,

Cadwn yn sanctaidd dy enw a’th fri.

Gwefusau mawl dyro i ni, dy Dystion;

Braint yw cyhoeddi dy frenhiniaeth di!

3. Derbyn ein sanctaidd, resymol wasanaeth

Wrth in gydweithio mewn cariad a hedd;

Bodlonrwydd dwyfol derbyniwn yn rhadlon;

Llawenydd calon oleua ein gwedd.

Boed i ni gynnal mawrhydi dy enw;

Â’r geiriau bywiol at bobloedd yr awn;

Hyn ddaw â chlod i Jehofah ein Brenin,

A’i enw dwyfol bob amser mawrhawn.