Cân 17 (38)

Gweithredu’n Deyrngar

(Salm 18:25)

1. Mae gan Dduw Jehofah bobol

Sydd yn dwyn ei enw nawr.

Cynulleidfa deyrngar ffyddlon,

Ymgysegrant i’w glod mawr.

Diolch wnânt am fwyd ysbrydol,

O’i fwrdd sanctaidd, rhannu wnânt.

Eu dymuniad yw bodloni

Duw. Am hyn ei gwmni gânt.

2. I Dduw ac i’w gynulleidfa

Teyrngar fyddwn yn y ffydd.

Cadarn, ffyddlon yr arhoswn,

Ie, mewn adfydus ddydd.

Gwarchod wnawn ei theg fuddiannau

Rhag pob niwed neu anfri.

Os daw iddi unrhyw beryg’

Rhybudd buan waeddwn ni.

3. Teyrngar fyddwn wrth roi cymorth

I rai newydd ac i’r gwan;

Wrth astudio a gwas’naethu

Help rown iddynt wneud eu rhan.

Ffyddlon fôm fel aelod teulu,

Siomi’n brawd ni wnawn tra’n byw;

Ond ym mhob perthynas agos

Teyrngar fyddwn wrth gyd-fyw.

4. Byw rhaid nawr mewn byd annheyrngar,

Ond yn deyrngar cadwn ni

I’n glân frawd a phob cymydog

Trwy fil anawsterau lu.

Profwn mai celwyddog Satan,

Ond gwirionedd yw’n Iôr Jah.

Os yn deyrngar rhodiwn beunydd,

Hyn bodloni Duw a wna.