Y Gân Newydd

1. Canwch fawl i Dduw, taranwch glod Jehofa Iôr.

Cafodd fuddugoliaeth; rhowch fawl yn gelfydd, gôr.

Molwch nerth ei fraich, gwnaeth ryfeddodau mawrion fyrdd.

Cyfiawn yw ei farnau, daionus yw ei ffyrdd.

2. Tarwch dannau’r delyn, gyda’r utgorn rhoddwch floedd!

Canwch anthem newydd; rhowch glod i’n Rhi ar goedd.

Mawr yw enw’n Iôr, goruwch y nef yw yn ddiau.

Seinier â’r trwmpedau; ei foliant sy’n ddi-drai.

3. Rhued y dyfnforoedd orfoleddus fawl i Dduw.

Chwi fynyddoedd, crynwch; dyrchafwch glod mawr Lyw.

Chwi dylwythau’r ddaear, lleisiwch gân ag uchel lef.

Ddyfroedd, curwch ddwylo; clodforwch Frenin nef.