Jehofa Yw Ein Noddfa

1. Jehofa yw ein noddfa,

Ymddiried ynddo wnawn.

Ei gysgod rydd in guddfa,

Am loches ato awn.

Addawodd Duw mai’n gwared wna,

Dihangfa ef a sicrha.

Caer gadarn yw Jehofa,

Gwarchod wna’i ffyddloniaid uniawn.

2. Er syrthio miloedd lawer,

Dy wedd ni ddengys fraw;

Os ceisi gwmni’r teyrngar,

I’th gyffwrdd drwg ni ddaw.

Cyd-sefyll wnei â’r ffyddlon rai’n

Ddiogel rhag pob ofn a gwae.

Â’th lygaid gweli’r cyfan,

Nodded gei dan gysgod ei law.

3. Rhydd Jah it gyfarwyddyd

Rhag peryg maglau cudd;

Efe yw’th nerthol geidwad,

Ni’th ddychryn saeth y dydd.

Cei sathru’r asb, nid ofni’r llew;

Gweithreda’n ddewr! Gwna ymdrech lew!

Jehofa yw ein noddfa,

Rhydd ei Air sail cadarn i’n ffydd.