Meithrin Rhinwedd Cariad

1. Gan Dduw, mawr Roddwr, y nerth a gawn

I efelychu ei ddoniau’n llawn.

Pwysicaf rinwedd yw’r cariad gwiw,

Amlycaf nodwedd ein Pennaf Lyw.

Fe gyll ein ffydd ei daionus rym

Os yn rhodd cariad diffygiol ŷm.

O boed in feithrin y cariad pur—

Annatod ran yw o’r natur gwir.

2. Â chariad dysgwn y defaid rai,

Eu hannog beunydd a’u ffydd cryfhau.

Diffuant byddwn; ymrown yn daer,

Gweithredoedd da gadarnhânt y Gair.

Amynedd, addurn i’n cariad fydd,

Gwna’n haws in gario baich trwm y dydd.

Os digwydd anffawd i’n dwys dristáu,

‘Y ffordd ragorach,’ dal ati mae.