Myrdd Myrddiynau o Frodyr

1. Myrdd o fyrddiynau o frodyr,

Cyson genhadu wnânt,

Eang eu maes llefaru;

Enw eu Duw fawrhânt.

Myrdd o fyrddiynau ydym,

Tyrfa heddychol, driw,

Daethom ynghyd o bob llwyth ac iaith;

Molwn Jehofa Dduw.

2. Myrdd o fyrddiynau o frodyr,

I bellter byd yr awn;

Cyflym ein traed a gweddaidd,

Rhannu’r efengyl wnawn.

Os daw cyfnodau anodd—

Lludded ar faes y gad,

Cyfle i adfer ein nerth a gawn;

Iesu a rydd lesâd.

3. Mawr ofal Duw Jah sydd drosom

Ni, ei fyrddiynau fyrdd,

Deuwn i’w byrth â moliant,

Dysgwn ei Air a’i ffyrdd.

Ninnau’n niferus dyrfa,

Traethwn am Deyrnas wiw:

‘Nefol lywodraeth, brenhinol urdd,

Gwarchod wna ddynolryw.’