Annog Ein Gilydd

1. Yn gyson annog wnawn ein gilydd:

‘I Jah Jehofa byddwn driw.’

Cadarnach fydd y rhwymyn cariad

Sy’n sail ein hundod a’n cyd-fyw.

Cariadus naws sydd i’n cymdeithas,

Bendithiol yw a llawn llesâd;

Daw’r gynulleidfa’n lloches wresog,

Preswylfa cysur diymwad.

2. O boed ein sgwrsio’n lân a chynnes;

Cysuro, cynorthwyo wnawn.

Yn wresog byddwn, a chroesawgar,

At un mewn angen agosawn.

Ymgolli wnawn yng nghwmni’n gilydd,

Edrychwn ’mlaen at newydd fyd.

Pob cymorth rhown i’n cydymdeithion;

Mor hyfryd yw cael dod ynghyd.

3. Â llygaid ffydd, yn eglur gwelwn

Ddydd mawr Jehofa’n agosáu.

Hanfodol inni yw ymgynnull;

Ein ffydd, goroesi wna ddydd gwae.

Cydsafwn â’r frawdoliaeth eang,

Addoli wnawn Jehofa Dduw.

I’n brodyr annwyl rhown anogaeth:

‘Uniondeb, llwyr allweddol yw.’