PARHAU Â’R SGWRS
GWERS 9
Cydymdeimlad
Egwyddor: “Llawenhewch gyda’r rhai sy’n hapus; criwch gyda’r rhai sy’n drist.”—Rhuf. 12:15.
Esiampl Iesu
1. Gwylia’r FIDEO, neu darllena Marc 6:30-34. Yna ystyria’r cwestiynau canlynol:
Pam roedd Iesu a’r disgyblion yn gobeithio “bod ar eu pennau eu hunain”?
Pam roedd Iesu eisiau dysgu’r dyrfa?
Beth Rydyn Ni’n Ei Ddysgu o Esiampl Iesu?
2. Mae cydymdeimlad yn gwneud inni eisiau helpu pobl yn ogystal â sôn wrthyn nhw am y newyddion da.
Dilyna Esiampl Iesu
3. Gwranda’n ofalus. Rho gyfle i’r person ddweud beth sydd ar ei feddwl. Paid â thorri ar ei draws, a phaid ag anwybyddu ei deimladau, ei bryderon, na’r rhesymau nad yw’n cytuno â ti. Drwy wrando’n astud, rwyt ti’n dangos bod ei safbwynt yn bwysig iti.
4. Meddylia am y person. Ar sail y sgyrsiau, gofynna i ti dy hun:
‘Pam mae angen arno glywed y gwir?’
‘Sut byddai astudio’r Beibl yn gwella ei fywyd heddiw ac yn rhoi dyfodol gwell iddo?’
5. Siarada am bethau sy’n berthnasol iddo ef. Cyn gynted â phosib, dangosa sut mae astudio’r Beibl yn gallu rhoi atebion i’w gwestiynau a’i helpu mewn ffyrdd ymarferol.