Ymdrech

Esiampl Iesu

FIDEO: Iesu yn Dysgu Nicodemus

1. Gwylia’r FIDEO, neu darllena Ioan 3:​1, 2. Yna ystyria’r cwestiynau canlynol:

1. Pam aeth Nicodemus i weld Iesu yn ystod y nos?—Gweler Ioan 12:​42, 43.

2. Drwy gyfarfod Nicodemus yn y nos, sut dangosodd Iesu ei fod yn fodlon gwneud pob ymdrech i wneud disgyblion?

Beth Rydyn Ni’n Ei Ddysgu o Esiampl Iesu?

2. Rydyn ni’n dangos ein bod ni’n caru pobl drwy wneud pob ymdrech i’w helpu nhw i ddod yn ddisgyblion.

Dilyna Esiampl Iesu

3. Trefna i astudio ar adeg ac mewn lle sy’n gyfleus i’r person. Efallai bydd un diwrnod neu amser penodol yn fwy cyfleus iddo. A fyddai’n haws iddo astudio yn y gweithle, yn ei gartref, neu mewn man cyhoeddus? Os yw’n bosib, bydda’n fodlon trefnu pethau i fod yn gyfleus iddo ef.

4. Trefna i astudio yn rheolaidd. Os wyt ti’n mynd i ffwrdd, paid â gohirio’r sesiwn astudio. Ystyria:

1. A elli di gynnal yr astudiaeth rywbryd arall yn ystod yr wythnos?

2. A elli di astudio dros y ffôn neu drwy gynhadledd fideo?

3. A elli di ofyn i gyhoeddwr arall gynnal yr astudiaeth?

5. Gweddïa am yr agwedd iawn. Gofynna i Jehofa am help i barhau i gefnogi’r myfyriwr, hyd yn oed os yw’n ei chael hi’n anodd astudio’n rheolaidd neu roi cyngor y Beibl ar waith. (Phil. 2:13) Mae’n siŵr bod gan y myfyriwr lawer o rinweddau; gweddïa am help i ganolbwyntio ar y rhinweddau hynny.