Defnyddiwch jw.org yn Eich Gweinidogaeth

Mae ein gwefan yn adnodd defnyddiol iawn i’n helpu ni i bregethu’r newyddion da “hyd eithaf y ddaear.” (Act. 1:8) Dydy’r rhan fwyaf o bobl ddim yn dod ar draws jw.org ar eu pennau eu hunain. Ar y cyfan, maen nhw’n dysgu am y wefan ar ôl i gyhoeddwr ei dangos iddyn nhw.

Mae un arolygwr teithiol wedi lawrlwytho Pam Astudio’r Beibl? i’w ffôn ac yn manteisio ar bob cyfle i’w dangos. Er enghraifft, wrth fynd o dŷ i dŷ mae’n dweud: “Dwi’n helpu pobl i ddod o hyd i’r atebion i’r tri chwestiwn pwysig hyn: Pam y mae pethau drwg yn digwydd? Sut mae Duw yn mynd i ddatrys y problemau hynny? A sut medrwn ni ymdopi yn y cyfamser? Mae’r fideo bach yma yn ateb y cwestiynau hyn.” Wedyn, mae’n pwyso’r botwm i chwarae’r fideo ac yn gwylio ymateb y deiliad. Oherwydd bod y fideo mor ddiddorol, mae’r rhan fwyaf o bobl yn gwylio’r fideo hyd y diwedd. Yna, mae’r arolygwr teithiol yn dweud: “Rydych chi newydd glywed sut gallwch chi fynd ar-lein er mwyn gwneud cais i astudio’r Beibl. Gan fy mod i yma, gallaf ddangos i chi’n gyflym sut rydyn ni mynd ati i astudio’r Beibl.” Os yw’r deiliad yn cytuno, mae’r arolygwr yn defnyddio’r llyfryn Newyddion Da. Os nad oes gan y deiliad amser, mae’r arolygwr yn trefnu gwneud hynny ar adeg sy’n fwy cyfleus. Pan fydd y brawd yn mynd i mewn i gaffi i gael paned bach, mae’n dweud rhywbeth tebyg ar ôl iddo gychwyn sgwrs â rhywun sy’n eistedd wrth ei ymyl. Ydych chi’n defnyddio jw.org yn eich gweinidogaeth chi?