Hogi Ein Sgiliau yn y Weinidogaeth—Datblygu Galwadau Sy’n Derbyn y Cylchgronau

Pam Mae’n Bwysig? Nid pawb sy’n mwynhau darllen ein cylchgronau a fyddai’n dymuno astudio’r Beibl gyda ni. Efallai eu bod nhw’n hapus â’u crefydd eu hunain neu does ganddyn nhw mo’r amser i astudio. Ond, wrth iddyn nhw ddarllen ein cylchgronau’n rheolaidd, efallai byddan nhw’n meithrin yr awydd am Air Duw. (1 Pedr 2:2) Efallai bydd rhyw erthygl yn taro tant gyda nhw, neu bydd eu hamgylchiadau’n newid. Bydd galwadau byr a chyson yn eu helpu nhw i deimlo’n fwy cyfforddus, a chawn ganfod eu diddordebau a’u pryderon. Ym mhen amser, efallai bydden nhw’n dechrau astudio’r Beibl.

Sut i Fynd Ati?

Trefnwch amser i fynd â’r Watchtower a’r Awake! diweddaraf i’r unigolyn bob mis. Efallai gallwch alw rywbryd eto yn ystod y mis er mwyn codi blys am erthygl yn y cylchgronau neu i gynnig cyhoeddiad y mis. Cadwch gofnodion da.—Gweler Ein Gweinidogaeth Ionawr 2014, t. 3.
Paratowch ar gyfer pob ymweliad. Yn hytrach na dosbarthu’r cylchgronau’n unig, ceisiwch sgwrsio â’r deiliad ac adeiladu perthynas dda gydag ef i feithrin ei ddiddordeb yn y Beibl.
Byddwch yn effro i’r cyfleoedd sy’n arwain at gychwyn astudiaethau. Os bydd un o’ch galwadau’n holi am bwnc penodol yn y Beibl, rhowch lyfr neu lyfryn astudio sy’n cynnwys yr ateb iddo a thrafodwch y pwnc. Cyn ichi adael, gofynnwch gwestiwn arall perthnasol i’w drafod ar eich ymweliad nesaf. Rydych yn cynnal astudiaeth Feiblaidd os yw’r sgyrsiau yn rheolaidd ac yn seiliedig ar y Beibl neu ar un o’n cyhoeddiadau astudio, hyd yn oed os yw’r sgyrsiau’n fyr. Ydych chi wedi cynnig y llyfryn Newyddion Da i’r deiliad a dangos iddo sut i astudio’r Beibl? Ydych chi wedi dangos y fideos Pam Astudio’r Beibl? a Beth Sy’n Digwydd ar Astudiaeth Feiblaidd? i’r deiliad? Hyd yn oed os nad yw’r deiliad wedi bod yn fodlon astudio yn y gorffennol, gall amgylchiadau newid. Beth am ichi gynnig astudio eto?

Rhowch Gynnig ar Hyn yn Ystod y Mis:

Gwnewch restr o alwadau rydych chi’n meddwl y bydden nhw’n hoffi derbyn y cylchgronau yn rheolaidd. Cynigiwch y cylchgronau diweddaraf, a dywedwch y byddwch yn dod â’r rhifyn nesaf iddyn nhw.