Sut i Ddefnyddio’r Sgyrsiau Enghreifftiol

Ers Ionawr 2018, mae sgyrsiau enghreifftiol wedi ymddangos ar glawr Ein Bywyd a’n Gweinidogaeth Gristnogol—Gweithlyfr y Cyfarfodydd. Sut gallwn ni eu defnyddio nhw?

Pan Fydd gen Ti Aseiniad Myfyriwr: Dylet ti ddefnyddio’r cwestiwn, yr adnod, a’r linc o’r sgwrs enghreifftiol. Er hynny, does dim rhaid iti ddefnyddio union yr un geiriau â fideo’r sgwrs enghreifftiol. Gelli di ddewis dy gyd-destun, cyflwyniad, ffordd o resymu, ac yn y blaen. Mae’n bosib defnyddio cyhoeddiad o’n Bocs Tŵls Dysgu, hyd yn oed os nad ydy’r cyfarwyddiadau yn ei gynnwys.

Pan Fyddi Di yn y Weinidogaeth: Pwrpas y sgyrsiau enghreifftiol yw cynnig syniadau. Os ydy person yn dangos diddordeb ac eisiau gwybod mwy, gelli di barhau i sgwrsio gan ddefnyddio gwybodaeth o’r ail alwad enghreifftiol. Gelli di addasu’r sgyrsiau enghreifftiol neu wneud rhywbeth hollol wahanol. A fyddai pwnc o fis arall neu adnod wahanol yn apelio mwy i bobl yn dy diriogaeth? Ydy digwyddiad lleol neu rywbeth yn y newyddion ar feddyliau pobl yn dy ardal? P’run bynnag ffordd rwyt ti’n defnyddio’r sgyrsiau enghreifftiol, dylet ti geisio “gwneud hyn i gyd er mwyn y newyddion da,” i’w rannu ag eraill.—1Co 9:22, 23.