EIN BYWYD CRISTNOGOL

**Defnyddia Mwynhewch Fywyd am Byth! yn Dy Weinidogaeth**

Rydyn ni wedi gwirioni ar y llyfryn a’r llyfr newydd ar gyfer cynnal astudiaethau Beiblaidd! Gweddïwn ar Jehofa i fendithio ein hymdrechion i wneud llawer mwy o ddisgyblion. (Mth 28:18-20; 1Co 3:6-9) Sut rydyn ni’n defnyddio’r adnoddau newydd?

Mae’r cwrs rhyngweithiol am y Beibl, Mwynhewch Fywyd am Byth!, yn ffordd newydd o ddysgu. Er mwyn paratoi a chymryd astudiaeth Feiblaidd, dilyna’r canllawiau canlynol.a

Darllena’r deunydd, a thrafoda’r cwestiynau
Darllena’r adnodau sydd wedi eu nodi “darllenwch,” a helpa’r myfyriwr i ddeall sut maen nhw’n berthnasol
Dangosa’r fideos a’u trafod gan ddefnyddio’r cwestiynau sydd wedi eu darparu
Ceisia gwblhau un wers ym mhob sesiwn

Yn y weinidogaeth, cynigia’r llyfryn yn gyntaf i weld a oes gan y person ddiddordeb. (Gweler y blwch “Sut i Gynnig y Llyfryn Mwynhewch Fywyd am Byth! ar yr Alwad Gyntaf.”) Os wyt ti’n cyrraedd diwedd y llyfryn gyda’r myfyriwr ac mae eisiau parhau, yna cynigia’r llyfr a dechreua yng ngwers 04. Os wyt ti eisoes yn astudio gyda rhywun gan ddefnyddio un o’n cyhoeddiadau astudio, dylet ti newid i’r llyfr Mwynhewch Fywyd am Byth! a phenderfynu ble ynddo i gychwyn.

Yr un cwpl yn defnyddio’r llyfr “Mwynhewch Fywyd am Byth!” wrth gynnal astudiaeth Feiblaidd gyda’r dyn yn ei gartref.

GWYLIA’R FIDEO CROESO I’CH ASTUDIAETH FEIBLAIDD, AC YNA ATEBA’R CWESTIYNAU CANLYNOL:

Beth bydd myfyrwyr yn ei ddysgu o’r llyfr newydd?
Pam dylet ti ddangos y fideo hwn i fyfyrwyr newydd?
Pa nodau gelli di annog y myfyriwr i’w gosod a’u cyrraedd?—Gweler y siart “Pwrpas a Nod Pob Rhan”

a NODYN: Er ei fod yn ddewisol i drafod y rhan “Darganfod Mwy” yn ystod yr astudiaeth, cymera amser i ddarllen a gwylio pob eitem wrth iti baratoi. Yna, byddi di’n gwybod beth fydd yn apelio at dy fyfyriwr ac yn ei helpu. Mae’r fersiwn electronig yn cynnwys linciau i’r fideos a deunydd ychwanegol.

PWRPAS A NOD POB RHAN
	GWERSI	PWRPAS	NOD Y MYFYRIWR
1	01-12	Ystyried sut gall y Beibl ein helpu a sut gallwn ni ddod i adnabod ei Awdur	Anoga’r myfyriwr i ddarllen y Beibl, i baratoi ar gyfer yr astudiaeth, ac i ddechrau mynychu cyfarfodydd
2	13-33	Dysgu beth mae Duw wedi ei wneud ar ein cyfer a pha fath o addoliad sy’n ei blesio	Ysgoga’r myfyriwr i rannu’r gwir ag eraill ac i fod yn gyhoeddwr
3	34-47	Ystyried beth mae Duw yn ei ddisgwyl gan ei addolwyr	Anoga’r myfyriwr i gysegru ei hun i Jehofa ac i gael ei fedyddio
4	48-60	Dysgu sut i aros yng nghariad Duw	Dysga’r myfyriwr sut i weld y gwahaniaeth rhwng da a drwg ac i agosáu at Dduw