Cân 80 (180)

Llyfr Duw—Trysor Yw

(Diarhebion 2:1)

1. Teg lyfyr sydd, a thrwy ei dudalennau

Llawenydd mawr a ddaw i ddynolryw.

Mor nerthol yw’r athrawiaeth mae’n ei dysgu

Mewn grymus a grasusol eiriau byw.

Y llyfyr teg hwn yw y Beibl Sanctaidd,

A gafodd ei gofnodi a’i fawrhau,

Gan rai a ysbrydolwyd gan Jehofah

I ddweud am dyner Dduw sy’n trugarhau.

2. Mae ynddo hanes Duw a’i greadigaeth,

Fe grewyd mawr gyfanfyd trwy ei nerth;

Mae hefyd hanes gwir berffeithrwydd Adda,

A sut y collodd Baradwys o werth.

Ymhellach dwed am hanes angel,—twyllwr,

A fu annheyrngar i Jehofah Dduw.

O hyn i gyd daeth pechod a phob cystudd;

Ond buan nawr daw buddugoliaeth wiw.

3. Mae heddiw’n wir yn amser mawr lawenydd;

Cans Teyrnas Dduw a ddaeth. Crist, Brenin yw.

O dyma ddydd gwaredol Duw Jehofah

Ar gyfer edifeiriol ddynolryw.

Newyddion da sydd yn ei lyfyr sanctaidd,

Mwy gwerthfawr yw na gemau yr holl fyd:

Tu hwnt y mae i holl ddoethineb dynion;

Hwn ydyw’r hanes mwyaf un i gyd.