Cadwch Eich Golwg ar y Wobr!

1. Medd Duw, ‘Y dall a wêl yn glir,

Fe glyw byddariaid eiriau’r gwir,

Diffeithwch yn ddyffryndir ddaw,

Byrlyma ffrydiau dŵr gerllaw;

Fe lama’r cloff fel ifanc hydd,

Teg gwmni’ch câr mor hyfryd fydd;

Mwynhau’r bendithion hyn a gewch—

Ar wobr fawr Iôr, edrych gwnewch!

2. ‘Llefaru’n llawen wna y mud,

Adferiad cnawd rydd degwch pryd,

Cynhaeaf maes a rydd lesâd,

Toreithiog gnwd a ddwg iachâd;

Cewch glywed canu lleisiau plant,

Dros ddaear gron mawr hedd fwynhânt;

Gweld atgyfodiad hefyd gewch—

Ar wobr fawr Iôr, edrych gwnewch!

3. ‘Fe drig y blaidd a’r oen fel un,

Fe bora’r llo a’r llew’n gytûn;

Caiff plentyn yn ddi-ofn nesáu,

A’i wrando wnânt ac ufuddhau;

Yn irlas fydd y bryn a’r ddôl,

Poen, galar, ni ddônt eto’n ôl.’

Darpariaeth ddwyfol profi gewch

Os ar wobr Duw edrych wnewch.