GWERS 2

Arddull Sgyrsiol

2 Corinthiaid 2:17

CRYNODEB: Siarada mewn ffordd naturiol a diffuant i ddangos sut rwyt ti’n teimlo am y pwnc ac am y rhai sy’n gwrando arnat ti.

Gweddïa a pharatoa’n ofalus. Gweddïa am help i ganolbwyntio, nid arnat ti dy hun, ond ar dy neges. Cadwa’r prif bwyntiau’n glir yn dy feddwl. Rho dy syniadau yn dy eiriau dy hun; paid â’u darllen air am air o’r dudalen.

Os wyt ti’n mynd i ddarllen o’r Beibl, neu o gyhoeddiad arall, rhaid dod yn gyfarwydd iawn â’r testun fel y byddi di’n ei ddarllen yn rhugl. Os wyt ti’n dyfynnu pobl, darllena eu geiriau gyda theimlad, ond heb fod yn orddramatig.
Siarada o’r galon. Ystyria pam mae angen i dy wrandawyr glywed y neges. Canolbwyntia arnyn nhw. Yna bydd dy osgo, dy ystumiau, a mynegiant dy wyneb yn dangos dy fod ti’n ddiffuant, yn gynnes, ac yn gyfeillgar.

Nid yw bod yn naturiol yn golygu bod yn esgeulus. Cadwa urddas dy neges drwy ddefnyddio iaith eglur a gramadeg cywir.
Edrycha ar dy wrandawyr. Cadwa gyswllt llygaid â dy wrandawyr os na fydd hynny’n peri iddyn nhw deimlo’n annifyr. Wrth roi anerchiad, edrycha ar wahanol unigolion yn eu tro, yn hytrach na gadael i dy lygaid grwydro’n ddiamcan dros y gynulleidfa gyfan.