I Bwy Rydyn Ni’n Perthyn?

1. Pwy biau’ch calon chi?

I ba dduw yr ufuddhewch?

Yr hwn gaiff eich bryd, eich meistr yw,

Ac yn ddiau, efe yw’ch duw.

Ni fedrwch ryngu bodd

Jehofa a duw y byd,

Na charu y ddau, y gwir efo’r gau,

Na’u moli ar yr un pryd.

2. Pwy biau’ch calon chi?

Pa dduw sy’n rheoli’ch byw?

Dewiswch yn awr heb oedi’n hir.

Rhaid dewis rhwng y gau a’r gwir.

Ai Cesar y byd hwn

Sy’n arwain eich byw bob dydd?

Neu a ydyw Duw yn llywio eich byw?

Rhaid dewis dangos eich ffydd.

3. Pwy biau ’nghalon i?

Jehofa Dduw biau hi.

F’adduned fe dalaf i fy Nuw.

Addolaf ef—fy newis yw.

Duw dalodd bridwerth drud

Â’i Fab—y pris uchaf sydd.

Dwi’n perthyn i Dduw, yn farw neu’n fyw,

A’i glod a ganaf bob dydd.