Llyfr Duw—Trysor Yw

1. Mae yna lyfr, ac yn ei dudalennau

Mae gobaith byd o hedd i ddynol ryw.

Y mae ei eiriau’n medru treiddio’r galon—

Mae neges Duw yn rymus ac yn fyw.

Y trysor gwerthfawr hwn yw’r Beibl Sanctaidd,

Gwir euraidd anrheg yw gan Dduw i ddyn.

Gan ysbryd glân cymhellwyd dynion ffyddlon

I ysgrifennu’r cyfan yn gytûn.

2. Darllenwn ynddo hanes creadigaeth—

Am Dduw yn creu’r bydysawd drwy ei rym,

Am y dyn cyntaf, Adda, dyn heb bechod,

A sut a pham y collodd ef bob dim.

Mae hanes angel, twyllwr ac enllibiwr,

A heriodd hawl sofraniaeth Duw ei hun.

O hyn daeth inni bechod, poen, a dagrau,

Ond bydd Jehofa Dduw yn cario’r dydd.

3. Ac felly, rheswm sydd dros fod yn llawen,

Fe glyw y sawl a rydd i’w Air ei glust

Y newydd da am Deyrnas Dduw Jehofa

Ac am ei Frenin cyfiawn, Iesu Grist.

Nid oes dim un llyfr arall yn bodoli

Sy’n cynnig gobaith i holl ddynol ryw.

Mae’n llyfr arbennig, gwerthfawr, ac unigryw,

Mae’n amhrisiadwy—Trysor yw gan Dduw.