Rhesymau Dros Ein Llawenydd

1. Mae gennyn ni lu o resymau

Dros ddawnsio a neidio yn llon,

Dros ganu a bloeddio yn llawen,

Hapusrwydd mawr sydd yn ein bron.

Mae gennyn ni sail i’n gorfoledd,

Mae gwreiddiau ein ffydd yng Ngair Duw.

Bob dydd mae nhw’n treiddio yn ddyfnach,

Ger ffrydiau glân rydym yn byw.

Mae llawer yn dod i ymuno,

A rhannu ein llonder a wnawn.

Er gwaethaf pob her ac anhawster,

Yn nyfroedd y gwir llawenhawn.

2. Ardderchog yw’r holl greadigaeth,

Mor brydferth yw haul bore braf,

Mor hyfryd yw gweld lliwiau’r hydref,

Y gaeaf, y gwanwyn a’r haf.

Hapusrwydd a gawn wrth bregethu

Am Deyrnas, am Frenin, am Grist.

Dedwyddwch fwynhawn o’r anrhydedd

O gael ein hadnabod yn dyst.

Mae bywyd di-dor ar y gorwel,

A gwawrio mae byd newydd sbon.

Bydd haul bendith Duw yn tywynnu’n

Dragwyddol ym mhob calon lon.