Gwarchodwn Ein Calonnau

1. Gwarchodwn ein calonnau ni—

Ffynhonnell bywyd yw.

Rhag llwybrau pechod cadwn draw—

Ein tywys ni mae Duw.

Yn hytrach na dibynnu ar

Deimladau sy’n llawn twyll,

Doethineb sy’n ein harwain ni.

Ein llywio gawn gan bwyll.

2. Gwarchodwn ein calonnau ni

Wrth droi at Dduw, ein Caer,

A rhannu ein pryderon ni

Bob dydd mewn gweddi daer.

O’n gwirfodd ufuddhawn yn llwyr,

Parhawn i feithrin ffydd,

Datblygwn galon deyrngar sy’n

Ei blesio Ef bob dydd.

3. Gwarchodwn ein calonnau ni

Rhag pethau sy’n amhur

Drwy ganolbwyntio ar yr hyn

Sy’n lân, sy’n iawn, sy’n wir.

Yr hyn yr ydym y tu mewn,

Ein calon deyrngar, driw

Sy’n bwysig iawn, sydd werth y byd,

Sy’n hardd yng ngolwg Duw.