Anton Petrus/Moment via Getty Images
˗KA ˗YA KA ˈˈYAAN!
ˈˈKpɔnŋtaadhɛ ˗gblü ˈkpii˗ ˈbha ˗dho wluuˈˈ ˗ee?: ˈMën Biblö ˗ya pö?
˗Kwɛ 30 ˈwo ʒiö yö ˗a ˈka, mɛn ꞊vadhɛ ˗kun ˗a pö ˗ni ˈgü ꞊dhɛ ˈˈkpɔnŋtaadhɛ ˗ya ˈwaannu, ˈgo mü ˈzü ˈwɔn ˗nu ˈwo ˈdho ˗ni ˈgü ˈˈdhiʋ̈. ˈˈKɛɛ ꞊dɛɛ ˈwɔn ˗nu ˈwo kë ˗ni ˈgü ˈˈkpɔnŋ ꞊taa, ˗wa ˗an ˗bha ˈwɔn yö ˗kɔ ˗nu bho ˈˈgblʋʋ.
«Mɛn ꞊vadhɛ ˗wo ˈˈsuʋ̈ ˗ni ˈgü kö Gaza ˗bha ˗gblü bhë ˈya ˈdho yö ˈˈsɛ ˈˈwɛɛ ˗nu ˗bha, ˈyö ˗tɔ ꞊dhɛ Izraɛdhö waa Ɛsöbodha ˗mɛn ˗nu ˗wo buu ˗da ˗ni ˈgü wo ˈko ˗bha Liban ˗sɛ ˈˈsɔɔ ꞊dedewo.»—˗Kwɛ 2024 Zanvie 6, Reuters.
«Iran ˗mɛn ˗nu ˗wo ˗da ˗ni ˈgü mɛn ˗nu ˗ta ˗dhɛ ˈbha ˗nu ˈgü. ˈGo mü ˈzü ˗wa ˗ya bɔnbö nikleɛ ˗nu ˗pëkë ˗sü ˗bha ˈbhaawo. ˈYö ˗dhɛ ˈö ˗kë ꞊dhɛ Rusi waa ˈˈShinoa ˗nu ˗bha ˈˈsɛgɔdhiʋ̈mɛn ˗nu ˗kɔ ˗yö ˗an ˗gɔ bhë, ˗ya ˈˈsuʋ̈ ˗da ˈˈkwi ˈˈsɛ ˗nu ˈwo ˈɲanŋ˗ ˈgo ˗ʒian ˈka bhë, ˗an ˈgü.»—˗Kwɛ 2024 Zanvie 7, The New York Times.
«Buu ˈö Rusi ˗mɛn ˗nu ˈwo˗ ˗da ˗ni ˈgü ˗kplawo Üklɛnö bhë, ˗yö ˈwɔn yaa ꞊dede kë ˗ni ˈgü ˈmü.»—˗Kwɛ 2024 Zanvie 11, UN News.
«ˈˈShinoa ˗nu ˗bha ꞊nɔɔn waa ˗an ꞊faan ˗wo ˗da ˗ni ˈgü ˈˈdhiʋ̈. Taiwanö ˗mɛn ˗nu ˗wa ˗zɔn ˗ni ˈgü ꞊dhɛ ˗wo ꞊mɔɔn˗ ˗bha ˈwo ˗ya wo ˗de ˗ta. ˈˈDhinaan ˗yö ˈˈShinoa ˗nu waa Zeta zuni ˗mɛn ˗nu ꞊zinŋ ˈgü. ˈWɔn ˗nu ˈwo bhë, ˗wo ꞊mɔɔn˗ ˗bha ˈwo nu ˗gblü ˈka ˈˈvaanvandhö.»—˗Kwɛ 2024 Zanvie 9, The Japan Times.
˗Kɔ ˈö ˈˈkpɔnŋtaadhɛ ˈö ˈdho ˗ni ˈgü ˗a ˈka ˈya˗ ꞊dɛɛ, ˈö mɛn ꞊gban kwa ˈˈɲan ˈdhö˗ ˈgü bhë, Biblö ˗yö ˈwɔn ˈbha ˗pö ˗a ˈgü ˗ee? ˗Gblü ˈkpii˗ ˈbha ˗dho ˗da ˈˈkpɔnŋ ꞊taa ˗ee?
Biblö ˗ya ˗to ˈˈdhiʋ̈ ˈö ˈwɔn ˗nu ˈwo kë ˗ni ˈgü ꞊dɛɛ ˈˈkpɔnŋ ꞊taa, ˗an ˗wɔn ꞊blɛɛ
˗Gblü ꞊dede ˗nu ˈö kwa ˈˈɲan ˈdhö ˗an ˈgü ꞊dɛɛ yö bhë, Biblö ˈyii˗ pö ˗wo ˗dho ˗da. ˈˈKɛɛ ˗ya ˗to ˈˈdhiʋ̈ ˈö˗ pö ꞊dhɛ ˗gblü ꞊va ˈwo dho wluuˈˈ kwa ˗bha ˈˈtʋ̈ŋ ˈgü bhë, ˗wo ˗dho «˗yadeflëëgüsü bho ˈˈsɛ ˗ta.»—˗Dhɛkpaɔ dhiaˈˈ ˈsëëdhɛ 6:4, NWT.
Daniel ˗bha ˈsëëdhɛ ˗be ˗ya ˗to ˈˈdhiʋ̈ ˈö˗ pö ꞊dhɛ «ˈˈkpɔnŋtaadhɛ ɲën ˈˈtʋ̈ŋ ˈgü», ˈˈsɛgɔ ˈˈgblʋ̈gblʋ̈ ˗nu ˗dho wo ˗de ˗zɔn wo ˈko ˈka ˈö «ˈwo ˗gblü ˗gɔn» kö ˗a ˗mɛn ˗dhɛ ˈö ˈˈgbɩɩ˗ ˗wa dɔ. ˗A ˗gblü ˈö ˈwo dho ˗a ˗gɔ ˈˈdhʋ̈ bhë, ˗yö ˗dho ˗a kë ˈö ˈwo buu ˈˈgblʋ̈gblʋ̈ yö ˈˈkpɛnŋ ˈö ˈwo «꞊nɔɔn ꞊kwɛɛ˗» ɛɛnˈˈ ˈwëëga ꞊va ꞊dede ꞊shiö ˗an ˈgü.—Daniel 11:40, 42, 43.
˗Gblü ˈö kwa ˈˈɲan ˈdhö˗ ˗gɔ
Biblö ˗ya ˗zɔn ꞊dhɛ ˈwɔn ˗nu ˗dho shiʋ̈ ꞊köŋ ˈˈkpɔnŋ ꞊taa ˈö ˈwo ꞊tun kë ˗ni ˈgü ˗së. Yesu ˗ya ˗to ˈˈdhiʋ̈ ˈö˗ pö ꞊dhɛ «˗wëëwɔn ˗nu ˈwo dho kë [...] bha, ˗yö ˗dho kë ˗ziisü ꞊dedewo.» (Matiö 24:21) ˗A «˗wëëwɔn ɛɛnˈˈ ˈˈklʋʋbhɔdhe ˈkpii˗» bhë ˗a ˈˈdhiʋ̈ ˗dho ta ˗gblü ˈö ˈwo˗ ˗dhɛ Aamagedɔn bhë, ˗a ta. Yö ˈnën ˗tɔ «˗glu ˈö dho kë ˗Zlan ˈpiigbeezë ˗bha yi ꞊va ˈka.»—˗Dhɛkpaɔ dhiaˈˈ ˈsëëdhɛ 16:14, 16, NTBL.
ˈˈKɛɛ Aamagedɔn ˈyii ˈdho mɛnbhɩɩdhe ˗nu suu ɲën, ˗an dha ˈnen ˗dho ˗a ˗wo. ˗Zlan ˗dho bɔ ˗a ˗ta ˈö mɛnbhɩɩdhe ˗nu ˗bha mɛnkɔɔnsü ˈö nu ˗gblü ˈka bhë, ˗a bho ˈˈsɛ ˗ta. ˗Kɔ ˈö Aamagedɔn ˗gblü ˈö ˗dho nu ˗yadeflëëgüsü ˈka ˗a ˈka, ˈbha˗ pö ˈü˗ dɔ, ˗bhö ˈwɔn ˗gɔ ˗nu ˈö ˈwo yö ˗an ˗wo pö: