Yieme

37 Ta vɛŋ ka neŋfaare e ka ho suuri iri Ta erɛ toŋfatonneba nyuuri. 2 Bozuŋ a koŋ kɔɔre kyɛ ka ba ko aŋa moɔ Ba na zuoɔleŋ aŋa mɔmaara. 3 Dɛle Jehoova a tonɔ soŋ; Kpeɛrɛ a teŋɛzuŋ, a erɛ ho yɛlɛ yelmennoŋ poɔŋ. 4 Vɛŋ ka ho popeɛloŋ zaa be Jehoova eŋɛŋ, O na ko boŋ ho sukyiri yelboɔree. 5 De ho sokyɛnee zaa eŋ Jehoova nuuriŋ; Dɛle ona yoŋ, o na arɛɛ ho gbɛbɔgriŋ a e yɛlɛ ko bo. 6 O na vɛmeŋ ka ho sontuubu kyaane aŋa zi-nyaane, Ka ho dantorii meŋ kyaane aŋa lɛ na ŋmenaa naŋ maŋ kyaane ŋmentantuo saŋa na. 7 Taŋ ho noɔre Jehoova nimitɔɔreŋ Di kannyiri a mãã ho meŋɛ a kyɛnloo. Ka hooŋ wa nyɛ dɔɔ kaŋa naŋ erɛ o daware yɛlɛ a nyɛrɛ nimitɔɔre gaabo Ta wa vɛnɛ ka ho suuri ire. 8 Bare suuri a tage ho meŋɛ yi sutoloŋ poɔŋ; Ta vɛŋ ka ho suuri iri ka lɛ vɛŋ ka ho leɛ erɛ yelfaare. 9 Bonso ba na iree neŋfaare bare, Kyɛ noba naŋ taa teɛretɔ Jehoova eŋɛŋ na di la a teŋgane kyɛŋ. 10 A kyɛre fẽẽ lɛ, ka neŋfaare koŋ la bebe; Ho na gaa la zie na ba naŋ be na, Kyɛ ba koŋ la bebe. 11 Kyɛ noba naŋ sigri ba menne na zeŋ la a teŋgane ŋa zuŋ, Ba na wono la noɔ̃ yaga zaa emmaaroŋ gaalii poɔŋ. 12 Neŋfaa maŋ teɛrɛ teɛroŋ faare a kyaare sontuuro; O maŋ nyerɛɛ o nyemɛ emoo. 13 Kyɛ Jehoova na laarooŋ, bonso O baŋɛɛŋ ka o bebiri na taŋ. 14 Neŋfaare maŋ voɔ la ba zɔɔzɔɔsɔre a kyɛ guoɔ ba tama A na e lɛ a vɛŋ ka noba naŋ nyɛrɛ dɔgroŋ ane nembaalba le, A ko noba naŋ erɛ yɛlɛ naŋ tori. 15 Kyɛ ba menne zɔɔzɔɔsɔre la na leɛ kyɔgi ba sukyie; Ka ba tama na meŋ kɔɔre. 16 Ka sontuuroŋ taa boma fẽẽ a naŋ taa tɔnɔ A gaŋ bontaree gyamaa neŋfaare yaga naŋ taa. 17 Bonso ba na kɔɔrɛɛ neŋfaare kpaŋkpama, kyɛ Jehoova na soŋ la sontuuribo. 18 Jehoova baŋɛɛ yelkpeɛne na noba naŋ ba taa sããna naŋ tuoro, Ba kyɛŋ na bebeŋ tegitegilɛ. 19 Vii koŋ kpɛ ba wagre kpeɛne saŋa; Kɔŋ kpoŋ saŋa kyɛ ba na taaɛ bondirii yaga. 20 Kyɛ neŋfaare yɛŋ na wɛŋ; Jehoova dɔndɔnne zaa na bɔreŋ aŋa mɔmaara; Ba na bɔreŋ aŋa nyoore. 21 Neŋfaare maŋ pɛŋ la boma yi noba zie a kyɛ zagre ka ba leɛ yɔɔ a boma, Kyɛ sontuuro maŋ yuoree o nu a terɛ boma. 22 Noba na Oŋ ko maaloo na na zeŋ la a teŋgane zuŋ, Kyɛ noba na Oŋ yeli yelfaare kyaare na nyɛ la saammo kpɛlɛŋkpɛlɛŋ. 23 Jehoova maŋ wulee nensaalaa lɛ oŋ na derɛ o gbɛɛ Ka Onaŋ wa nyɛ ka o sokyenee pɛlɛɛ o poɔ. 24 Haali ka onaŋ le gba, kyɛ o koŋ gaŋ be, Bonso Jehoova na nyɔgooŋ ne o nu. 25 N daaŋ eɛ baapaalaa kyɛ pampana ŋa yɛŋ N leɛ la neŋnyaaŋaa, kyɛ N naŋ ba nyɛ baŋ gyɛ sontuuro bare zaa, Kyɛbee ka o bibiiri yoɔrɔ sɔrɔ bondirii ka ba di. 26 O maŋ terɛɛ boma zaala zaala, O biiri meŋ na nyɛɛ maaloo. 27 Tage ho meŋɛ yi faaloŋ eŋɛŋ a kyɛ leɛ erɛ yɛlɛ naŋ soma, Lɛ na vɛmeŋ ka ho bebe tegitegilɛ. 28 Bonso Jehoova nɔŋɛɛ dantorii, O daaŋ koŋ gyɛ noba naŋ dire yelmennoŋ koroo na zaa. O na maŋ go baŋ wagre zaa; Kyɛ neŋfaare biiri yɛŋ na nyɛɛ saammo kpɛlɛŋkpɛlɛŋ. 29 Sontuuribo na zeŋ la a teŋgane ŋa zuŋ, Ba na zeŋ la o zu a gɛrɛ wagre naŋ ba taa baaroo. 30 Sontuuro noɔre yelbie maŋ terɛɛ yɛŋ, Ka o zele meŋ yele dantorii yɛlɛ. 31 O Naaŋmen na bege be la o sukyiriŋ; O koŋ ŋmeɛrɛ gbɛɛ o gbɛ-deree poɔŋ. 32 Neŋfaa maŋ iree o nimiri eŋ sontuuro, a boɔrɔ sori oŋ na tu kyɛ iri o nyɔvore. 34 De ho teɛretɔ zaa eŋ Jehoova eŋɛŋ, a tuuro o sori, O na zɛge bon ka ho do a kyɛ vɛŋ ka ho zeŋ a teŋgane zuŋ. Saŋa na oŋ na wa iri neŋfaare zaa bare na, hooŋ meŋɛ na de la ho nimiri nyɛ. 39 Sontuuribo faabo maŋ yi la Jehoova zie; Ona la ba zo-sɔglezie toɔrɔ saŋa.