Nimibaaloŋ

Lɛ Yezu Naŋ Da E

VIDIO: Yezu Yuoree A Dɔɔ Zɔŋɔ Na Nimie

1. Kaa a VIDIO, kyɛbee kanne Gyɔɔn 9:​1-7, a kyɛ pãã gyieli a soorebie naŋ tu na yɛlɛ:

1. Bo ka Yezu daŋ de weɛ e ko a dɔɔ zɔŋɔ—o saŋɛɛ o baaloŋ na kyɛbee o moɔlɛɛ a duorisoŋ koo?—Kanne Gyɔɔn 9:​35-38.

2. Bonso teŋ na baŋ yelka sori na Yezu naŋ da tu na da soŋɛɛ a dɔɔ ŋa oŋ kyɛlle woŋ a duorisoŋ?

Bo Yɛlɛ Teŋ Na Baŋ Zanne Yi Yezu Zie?

2. Ka teneeŋ vɛŋ ka o soba baŋ ka te sereŋ boɔrɛɛ o yɛlɛ, a na eɛ mɔlɔ koo ka o kyɛlle woŋ te duoro na.

Tɔglɔ Yezu

3. De ho meŋɛ eŋ o soba gbɛbɔgriŋ. Maŋ mɔɔrɔ ka ho baŋ yɛlɛ o soba naŋ teɛrɛ.

1. Soore ho meŋɛ ka: ‘Bo yɛlɛ la fɛrɛ o soba? Bo yɛlɛ la pɛlɛ o poɔ a kyɛ na baŋ somoo meŋ?’ Ka hooŋ soore ho meŋɛ a soorebie ama, a na soŋ boŋ ka ho de ho meŋɛ eŋ o soba gbɛbɔgriŋ.

2. Ka o sobaŋ wa yele o yelfɛree mine korɔ bo, mãã ho meŋɛ a kyɛlle woŋ a yɛlɛ soŋ, lɛ eebo na wuliŋ ka ho taaɛ o soba yɛlɛŋ. Ka onaŋ wa manne yelkaŋa naŋ dɔɔnoo, kyɛbee yelkpeɛŋaa kaŋa o naŋ tuoro a ko bo, ta wa leɛrɛ a dama diibu.

4. Maŋ yi nimimaaroŋ ane gyeremɛ poɔŋ yele yɛlɛ koroo. Ka hooŋ taa nimimaaroŋ a ko neɛ kaŋa, a sereŋ boɔrɔ ka ho soŋ o soba, ho yelyaga na baŋ vɛmeŋ ka o soba baŋ. Maŋ kaa iri ho yelbie soŋ, maŋ de kɔkɔbaaloŋ meŋ yele a yɛlɛ. Kaara soŋ a ta wa yele yɛlɛ naŋ na dɔŋ o soba suuri.

5. E yelkaŋa soŋ o soba. Maŋ kaa bɔ soe mine hoŋ na baŋ tu a e yɛlɛ mine soŋ o soba. Ka hooŋ e lɛ, a na baŋ yuo la sori ko bo ka ho ne ba piili dama diibu.