SOŊ BA KA BA LEƐ YEZU POTUURIBO
ZANNOO 10
Mɔɔrɔ Ho Mɔɔbo Zaa A Sonnɔ Noba
Baabole Kawane: “Te da narɛɛ te menne ka te moɔle a Naaŋmen duorisoŋ ko yɛ, a kyɛ lɛ yeli te sukyie poore meŋ yɛlɛ ko yɛ, bonso yɛ eɛ noba te naŋ nɔŋ yaga.”—1 Tɛs. 2:8.
Lɛ Yezu Naŋ Da E
1. Kaa a VIDIO, kyɛbee kanne Gyɔɔn 3:1, 2, kyɛ pãã gyieli a soorebie naŋ tu na yɛlɛ:
Bonso ka Nikodemu da boɔrɔ ka o wa Yezu zie zisoɔree saŋa? —Kanne Gyɔɔn 12:42, 43.
Yezu da sagɛɛŋ ka o neŋ Nikodemu di dama zisoɔree saŋa, sobuo ka a yɛlɛ ŋa vɛŋ teŋ baŋ ka Yezu da mɔɔrɛɛ o mɔɔbo zaa ka o soŋ noba?
Bo Yɛlɛ Teŋ Na Baŋ Zanne Yi Yezu Zie?
2. Ka teneeŋ maŋ mɔɔrɔ te mɔɔbo zaa ka te sonnɔ noba ka ba wa leɛ Yezu potuuribo, lɛ na wuliŋ ka te nɔnɔ baŋ.
Tɔglɔ Yezu
3. Yɛ maŋ e a zannoo wagre ane zie naŋ soma ko ho Baabole zannezanna na. Aminekaŋaŋ, o na boɔrɔŋ ka yɛ maŋ e a zannoo bebiri kaŋa a daagbuli poɔŋ, kyɛbee wagre kaŋa a bebiri poɔŋ. Yeŋ ka o soba boɔrɔ ka yɛ maŋ zanne a Baabole? O boɔrɔŋ ka yɛ maŋ zanne a Baabole o tomazieŋ, dieŋ, kyɛbee yeŋeŋ? Lɛ zaa naŋ la, mɔɔ kyɛ leɛre ho wagre, a gaa o zie saŋa ane zie na o naŋ boɔrɔ ka yɛ te zanne a Baabole.
4. Ta nagra a zannoo. Ka hooŋ boɔrɔ ka ho gaa zie kaŋa, ta wa yele ka lɛ zuŋ yɛ koŋ e a zannoo. Kyɛ, ho na baŋ soorɛɛ ho meŋɛ ka:
a. ‘N na baŋ leɛrɛɛ a zannoo bebiri ka te zanne a Baabole bebi-yuo kaŋa a daagbuli poɔŋ bee?’
b. ‘Te na baŋ zannɛɛ a boma fone kyɛbee videoconference zuŋ bee?’
d. ‘N na baŋ vɛmeŋ ka naaŋ moɔlɔ kaŋa te e a zannoo ko ma bee?’
5. Puore sɔre Jehoova ka o soŋ bo ka ho taa gyog-soŋ. Ka a Baabole zannezannaŋ maŋ nagra a zannoo, kyɛbee a e maaroŋ ka o de a Baabole sowuli tonɔ neŋ toma, puore sɔre Jehoova ka o soŋ bo ka ho eŋɛ ta kyoɔre. (Fil. 2:13) Puore sɔre Jehoova ka o soŋ bo ka ho de ho teɛroŋ eŋ gyog-sonne na ho Baabole zannezanna naŋ taa na eŋɛŋ.