Vɛŋ Ka Ho Wuluu Na E Mɔlɔ

Lɛ Yezu Naŋ Da E

VIDIO: Yezu Wuli Teŋ Lɛ Te Saa Naŋ Taa Te Yɛlɛŋ Aseŋ

1. Kaa a VIDIO, kyɛbee kanne Matio 6:​25-27, a kyɛ pãã gyieli a soorebie naŋ tu na yɛlɛ:

1. Bo yelmannaa ka Yezu da de wuli lɛ Jehoova naŋ taa te yɛlɛŋ aseŋ?

2. Aneazaa ka Yezu da baŋɛɛ yɛlɛ yaga a kyaare nuuli, kyɛ bo eŋɛŋ la oŋ da de o dama diibu na kyaare neŋ? Bonso teŋ na baŋ yelka sori na oŋ da tu kyɛ wulo a noba na somaŋ yaga zaa?

Bo Yɛlɛ Teŋ Na Baŋ Zanne Yi Yezu Zie?

2. Ka teneeŋ maŋ vɛŋ ka te wuluu e mɔlɔ, a na maŋ tɔɛ noba sukyie, a kyɛ lɛ e mɔlɔ ko ba ka ba teɛre yɛlɛ na teŋ wuli ba na meŋ.

Tɔglɔ Yezu

3. Ta maŋ yele yɛlɛ yaga. Ka hooŋ wa baŋ yelkaŋa velaa zaa, kaara soŋ a ta wa manna a yɛlɛ zaa korɔ o soba. Kyɛ, aseŋ ka ho de ho teɛroŋ eŋ yɛlɛ na yɛŋ zanna yire a gane poɔŋ na. Ka hooŋ wa soore o soba a soorebiri, di kannyiri ka o iri a noɔre. Ka o sobaŋ ba baŋ a noɔre iribo, kyɛbee ka onaŋ yeli yelkaŋa neŋ a Baabole wuluu naŋ ba kyaare taa, ho na baŋ de la soorebie mine soŋ o soba ka o teɛre a yɛlɛ gaa tɔɔre. Ka o sobaŋ wa woŋ yelnimizeɛ na hoŋ boɔrɔ ka ho wuluu na muni soŋ, tɔnne a zannoo.

4. De yɛlɛ ho Baabole zannezanna naŋ baŋ a somoo ka o woŋ yelpaala mine muni soŋ. Aŋa mannoo poɔŋ, ka yɛneeŋ waana ka yɛ zanne kũũ leɛ-iruu yɛlɛ, ho na baŋ soorɛɛ ho Baabole zannezanna na ka o wuli bo yɛlɛ o naŋ baŋ a kyaare yɛlɛ naŋ maŋ pɔge neɛ saŋa na oŋ wa kpi.

5. De yelmannee tonɔ neŋ toma soŋ. Sɛre hoŋ na de yelmannaa kaŋa toŋ neŋ toma na, soore ho meŋɛ ka:

1. a. ‘A yelmannaa ŋa eɛ mɔlɔ bee?’

2. b. ‘A na eɛ mɔlɔ ka N Baabole zannezanna na woŋ a yelmannaa ŋa muni soŋ bee?’

3. d. ‘A yelmannaa ŋa na baŋ soŋɛɛ N Baabole zannezanna na ka o teɛre a yelnimizeɛ na maŋ boɔrɔ ka N wuluu na bee?’