SOŊ BA KA BA LEƐ YEZU POTUURIBO
ZANNOO 12
Tare Nyaa
Baabole Kawane: “Kãã neŋ insɛnse maŋ vɛmeŋ ka neɛ sukyiri taa popeɛloŋ; lɛ meŋ ka zɔmeŋɛ naŋ maŋ yi o poɔ zaa a derɛ kawane korɔ o tɔsoba maŋ vɛŋ ka a zɔmennoŋ noma.”—Yeng. 27:9.
Lɛ Yezu Naŋ Da E
1. Kaa a VIDIO, kyɛbee kanne Marko 10:17-22, a kyɛ pãã gyieli a soorebie naŋ tu na yɛlɛ:
Bo gyog-sonne ka Yezu da nyɛ a bipɔlee ŋa naŋ da e bondaana na eŋɛŋ?
Bonso aŋ da fɛre ka Yezu de nɔmmo ane nyaa ko a dɔɔ ŋa kawane?
Bo Yɛlɛ Teŋ Na Baŋ Zanne Yi Yezu Zie?
2. Aseŋ ka te de nɔmmo yele yɛlɛ, kyɛ a lɛ fɛrɛɛŋ ka te maŋ de nyaa a wuli te Baabole zannezanneba yɛlɛ naŋ seŋ ka ba erɛ a toɔ̃ tagra peɛlɛ Jehoova.
Tɔglɔ Yezu
3. Soŋ ho Baabole zannezanneba ka ba toɔ̃ ta yɛlɛ na baŋ de biŋ ba nimitɔɔreŋ na.
a. De a “Yɛlɛ N Naŋ Na E” ziiri naŋ be a Nyɛ Zeŋ Laafeɛ Tegitegilɛ! gane na poɔŋ tonɔ neŋ toma.
b. Soŋ ho Baabole zannezanneba ka ba baŋ yɛlɛ na meŋɛ a naŋ seŋ ka ba erɛ a toɔ̃ ta yɛlɛ na baŋ de biŋ ba nimitɔɔreŋ.
d. Ka o sobaŋ wa nyɛrɛ nimitɔɔre gaabo, maŋ pugiruu.
4. Mɔɔrɔ ka ho baŋ yɛlɛ naŋ na baŋ pigi o soba nimitɔɔre gaabo, a kyɛ somoo ka o zɔɔtoɔ̃ a yɛlɛ.
Soore ho meŋɛ ka:
‘Boŋ la pigre N Baabole zannezanna ŋa sori ka o nyɛ nimitɔɔre gaabo a te de suobu?’
‘Bo yɛlɛ maŋ na toɔ̃ e a somoo?’
Puore sɔre Jehoova ka o soŋ bo ka ho de nɔmmo wuli ho Baabole zannezanna yɛlɛ na meŋɛ aŋ seŋ ka o erɛ a nyɛrɛ nimitɔɔre gaabo.
5. Ka o sobaŋ ba nyɛrɛ nimitɔɔre gaabo, bare a zannoo.
Ka hooŋ boɔrɔ ka ho baŋ ka a Baabole zannoo sonnɛɛ o soba, ho na baŋ soorɛɛ ho meŋɛ ka:
‘N Baabole zannezanna na de la yɛlɛ na oŋ zanna na tonɔ neŋ toma bee?’
‘O maŋ waanɛɛ a lantaapuoruu lammore, a kyɛ manna yɛlɛ na oŋ zanna na korɔ o taaba bee?’
‘Ka o sobaŋ zanne a Baabole kɔɔre, o sereŋ boɔrɔŋ ka o e Jehoova Sieree Deme kaŋa bee?’
Ka ho Baabole zannezanna naŋ ba e siri ka o nyɛrɛ nimitɔɔre gaabo:
Yelko o soba ka o teɛre yɛlɛ naŋ pigroo sori oŋ ba nyɛrɛ nimitɔɔre gaabo.
Yi gyeremɛ poɔŋ a kyɛ wuli o soba bon nanso hoŋ bara a zannoo.
Wuli o soba yɛlɛ naŋ seŋ ka o e ka lɛ vɛŋ ka yɛ lɛ tɔnne a zannoo.