Nyonono

Lɛ Yezu Naŋ Da E

VIDIO: Yezu Da Zoe A Nembeɛoŋ Nembaaloŋ

1. Kaa a VIDIO, kyɛbee kanne Marko 6:​30-34, a kyɛ pãã gyieli a soorebie naŋ tu na yɛlɛ:

1. Bonso ka Yezu neŋ o bitontonee na da boɔrɔ ka ba gaa te be zie kaŋaŋ “ba yoŋ sɛŋ”?

2. Boŋ da vɛŋ ka Yezu da wulo a nembeɛoŋ?

Bo Yɛlɛ Teŋ Na Baŋ Zanne Yi Yezu Zie?

2. Ka teneeŋ maŋ de te menne eŋ noba gbɛbɔgriŋ, te koŋ moɔlɔ a duorisoŋ yoŋ korɔ ba, kyɛ te na lɛ boɔrɛɛ soe teŋ na baŋ tu kyɛ sonnɔ ba.

Tɔglɔ Yezu

3. Maŋ mãã ho meŋɛ a kyɛllɛ wono noba yɛlɛ. Ko o soba sori ka o yeli yɛlɛ naŋ be o sukyiriŋ ko bo. Ta wa ŋmaara o soba noɔre saŋa na oŋ wa yele yɛlɛ. Ka o sobaŋ manna o teɛroŋ poɔ yɛlɛ, yɛlɛ mine naŋ fɛroo, kyɛbee yɛlɛ mine o naŋ ba sagedi a korɔ bo, ta wa vaaraa bara. Ka hooŋ maŋ mãã ho meŋɛ a kyɛllɛ wono yɛlɛ na o soba naŋ yele na, lɛ na wuliŋ ka ho taaɛ o soba yɛlɛŋ.

4. Maŋ teɛrɛ o soba yɛlɛ. Ka yɛneeŋ wa di a dama baare, ho na baŋ soorɛɛ ho meŋɛ ka:

1. ‘Bonso aŋ e nimizeɛ ka o baŋ a yelmeŋɛ?’

2. ‘Sobuo ka a Baabole zannoo na toɔ̃ somoo ka o taa zeŋ laafeɛ pampana ane nendaare kaŋa?’

5. Ka hooŋ baŋ yɛlɛ mine naŋ na toɔ̃ soŋ o soba, manne a yɛlɛ koo. Ka yɛneeŋ wa piili a dama diibu, wuluu lɛ a Baabole zannoo naŋ na baŋ iri o soorebie nɔɛ, a kyɛ lɛ somoo soe yaga meŋ poɔŋ.