Ta Pagra Ho Meŋɛ A Dama Diibu Poɔŋ

Lɛ Filipi Naŋ Da E

VIDIO: Filipi Moɔlɛɛ A Duorisoŋ Ko A Etopiya Dɔɔ-Varaa Na

1. Kaa a VIDIO, kyɛbee kanne Toma 8:​30, 31, a kyɛ pãã gyieli a soorebie naŋ tu na yɛlɛ:

1. Sobuo ka Filipi da tu kyɛ piili a dama diibu?

2. Bonso teŋ na baŋ yelka sori na Filipi naŋ tu kyɛ piili a dama diibu na somaŋ yaga? Sobuo ka sori na oŋ tu kyɛ piili a dama diibu na yuo sori koo oŋ wuli a dɔɔ Baabole poɔ yɛlɛ mine poɔ?

Bo Yɛlɛ Teŋ Na Baŋ Zanne Yi Filipi Zie?

2. Ka teneeŋ maŋ tere sori ka a dama diibu kyɛnɛ soŋ zaa, a kyɛ ba pagra ka te moɔle a duorisoŋ ko noba, a na yuo la sori ko ba ka ba yeli yɛlɛ naŋ be ba sukyieŋ ko te. A na baŋ lɛ soŋ baŋ ka ba kyɛlle woŋ te duoro na meŋ.

Tɔglɔ Filipi

3. Vɛŋ ka ho nimiri gaŋ, ka ho kaara yɛlɛ soŋ. Neɛ niŋesogɔ waaloŋ ane lɛ na oŋ maŋ erɛ o yɛlɛ na baŋ wulee yɛlɛ yaga a kyaaroo. Lɛ na o soba naŋ erɛ o yɛlɛ na wuleeŋ ka o boɔrɔŋ ka o ne bo di dama bee? Ka hooŋ boɔrɔ ka ho manne yɛlɛ mine yi a Baabole poɔ ko o soba, ho na baŋ piiliŋ a sooroo ka, “Ho baŋɛɛŋ ka . . . ?” Ka o sobaŋ ba boɔrɔ yelyaga yeluu, ta wa derɛ dama diibu yɛlɛ ferɛ o soba.

4. Dire kannyiri. Ta maŋ pagra ka ho manne a Baabole poɔ yɛlɛ ko noba. Mãã ho meŋɛ. Saŋa na a dama diibu naŋ gɛrɛ nimitɔɔre na, sori na yuo ko boŋ ka ho manne a Baabole poɔ yɛlɛ ko o soba. Saŋa kaŋa, wagre yuo kaŋa poɔŋ la hoŋ na baŋ nyɛ sori a manne a Baabole poɔ yɛlɛ ko o soba.

5. Maŋ leɛrɛ ho dama diibu soe. O soba na baŋ leɛrɛɛ a dama diibu tu neŋ sori kaŋa ho naŋ ba kaara soriŋ. Ka lɛŋ wa e, ho na baŋ leɛrɛɛ ho dama diibu sori na a tu be kyɛ manne yɛlɛ naŋ na baŋ soŋ o soba a koo, haali ka lɛŋ wuli ka ho leɛre yɛlɛ na naŋ be ho teɛroŋ poɔŋ na, a kyɛ leɛ manne Baabole poɔ yelyuo kaŋa ko o soba, aseŋ ka ho e lɛ.