Nyiqaane Jë Troa Inine La Tusi Hmitrötr Jëne La Itus Le plus grand homme
1 Ketre madrine atraqatre kowe la trene ini tus, nge... koi nyidroti asë atre inin, me hna inin. Pëkö ewekë nyine troa aceitunëne memine la madrine së e tro së a ce kapa memine la itre xane la itre ini qa hnine la Tusi Hmitrötr. — Itre Edromë 11:25.
2 Hatrene la itre drai hnapin: Maine hnei epuni hna ce trothenge la aqane kuca qa ngöne caha hna cinyihan, me sisedrëne hnene la tarak Le monde actuel survivra-t-il?, nemene ju hë la aqane tro epuni a nyiqaane ini Tusi Hmitrötr, jëne la itus Le plus grand homme mekene 11? Fe jë lai itusi ngöne mekene 111 nge e ju lai köni paragarafe hnapan. Thupene lai tro epuni a sa la pane hnyinge ngöne pune lai meken cili: “Nge nemene fe la mekune i itre xane enehila?” Xatuane jë lai atr troa wangatrune la nyine troa sa, nge huliwaane ju me inine jëne la itre iatr. Thupene la hna e la hna foane paragarafe qa ngöne la hna sikis, kuca la hna luene hnying: “Eu la kola pane eatre la hna perofetaane hnei Iesu, nge eu la hnaluene eatr?” Maine atraqatre la ajane lai atr troa drei epun, ke, ithahnataane atrune ju.
3 Ngo maine epuni a öhne laka, ma loi troa ithahnata aqeanyi ngöne la ketre ijin, pine laka nango jole enehila, ke, epuni pa qaja jë ka hape: “Ajane fe kö epuni troa atrepengöne hnyawa la pune la fen?” Thele jëne ju la aqane troa bëeke hmaca troa sa lai hnying.
4 Hapeu ijije kö troa tingetinge elanyi la fen? Maine epuni a huliwaane la tarak Une vie paisible dans un monde nouveau troa nyijëne la itus Le plus grand homme, nemene la aqane troa nyiqaane ini tusi jëne la mekene 133?
Thupene la hna e la 2 Peteru 3:13, epuni pa e jë maine qaja la mekunene la hnaluene paragaraf, götrane 3 ne lolai tarak, nge qaja ju ka hape:
◼ “Tro Iesu lo hupuna i Akötresie a Joxu ne la Baselaia i Iehova. Goeëne la hnei itus Le plus grand homme, hna qaja göi Nyidrë memine la aqane tro Nyidrë a kuca ngöne la itre drai ka calemi.” Thupene lai, e asë jë lai mekene cili, nge, huliwaane ju la pane hnyinge kola hape: “ ‘Nemene la manathithi hna troa kapa hnene la itre keme me thine me itre neköi angatr; itre ka troa mele pe kö e Amagedro?’ [Nuepi troa sa. Kuca tune ju lai kowe la itre xaa hnying.] Hapeu ajane fe kö epuni troa hane hetre edrö i epuni ngöne la fene hnengödrai ka hnyipixe, lo hnei Iesu hna troa nyijoxu ngön? Celë hi matre hetre ajanenge troa xatua epuni ngöne la nöjei wiike troa atre lai, jëne la Tusi Hmitrötr; ketre, matre tro epuni a hane kepe thangan.”
5 Itre xane a hmala troa ithahnataa Iesu ngöne lo Kola iwai hmaca.
Epuni a qaja ju ka hape:
◼ “Ketre ewekë ka tru la kola kuca lai itusi cili, matre troa qeje pengöne hnyawa la mele i Iesu ekö e celë fene hnengödrai. Nge hna cinyihane fe lai ngöne la foa lao tusi koi angetre heleni; ene lo itre evangelia. Hapeu, ajane kö epuni troa atre hnyawa la mele i Iesu e celë fen?” Maine hna nangëne hnene lai atr, ke, epuni pëhë a ithahnataane ju la pane iamamanyikeu i Iesu, hnine lo mekene 15.
6 Alanyimu palakö la itre atr ka hni nyipici, kola hnime me ajane la meköti me thele la itre ejolene la melei angatr. Eje hi laka, tro hë së a kepe thangan’e hne së hna huliwa, me hamën, me ithuemacanyine palahi la Maca ka Loi göi Iesu, jëne la hna inine la Tusi Hmitrötr.