Huliwaane Trongëne Jë La Itre Zonale Ngöne La Itre Hnalapa
1 Drei la aliene la Réveillez-vous! Ngöne la götrane 4 ne la nöjei numero, ke, hna cinyihane ka hape: “Tro la zonale celë a eköthe la mejiune kowe la hna thingehnaeane hnene la Atr xup, ene la tingetinge me loinöje ngöne la fene ka hnyipixe, lo ka troa traqa, nge tha paatre palakö la xötre ka öhne lo itre ewekë ka nyiqaane mama, lo 1914.” Eje hi laka ketre zonale la, nyine tro së a catre troa amë trongëne ngöne la hne së hna cainöje trootro ngöne itre hnalapa, hawe ijije tro së a kuca asë la itre ewekë hne së hna atrein.
2 Ame la Réveillez-vous!, celë hi ketre jëne ka sisitria nyine aciane la aja ne la atr ka tha hane pala kö kapa la itre ewekë ne la ua. Loi e tro së a e, matre troa thele la itre mekune ka ijije nyine ce wange memine la itre atr hne së hna iöhnyi memine ngöne la hna cainöje trootro. Celë hi matre, loi e tro së a siji hatrene ngöne la sipu zonale së la itre mekune hne së hna iën, nge tro së a wange hmaca qëmekene la easë a troa cainöj, matre tha tro kö së a thëthëhmine ngöne la easë a troa ce ithahnataane memine la itre xaa atr.
3 Loi e tro epuni a iëne la ketre hnepe mekune ka ijije qa hnine la Réveilez-vous! hna xötrei kapa matre nyine nyiqaane ithahnataane.
Nge maine mama hi ka hape hetre aja ne la atr, ke, hamë angeice pi lai zonal, nge qaja ju fe ka hape:
◼ “Hanawange la Réveillez-vous!, nge tro ej’a qejepengöne hnyawa la itre hninge së”. Pane iëne jë la casi maine lue xötre nyine troa e, nge qaja sisedrëne jë ka hape: “Pine laka nyipiewekë la itre hna ithahnata ce koi nyipë, kaloi la tro nyipëti a hane e la itre xaa mekune ne la Réveillez-vous!, nge maine ajane nyipë troa hane kapa ej, madrine fe eni troa hamë nyipëti la sinetrongen, ene la ketre zonale La Tour de Garde” 50 F. la thupene la ca zonal.
4 Nge maine hetre atr ka pi ithahnataane la itre ewekë ne la ua, ke, loi e troa amamai angeice ngöne la Tusi Hmitrötre tune lo ngöne 2 Tim. 3:1-5 lo itre ewekë ka traqa ngöne la itre drai hnapin. Nge thupene lai, loi e troa nyixane hmaca la aja i angeice hnene la itre zonale së, ene la troa e lo hna cinyihane ngöne la götrane 2 ne La Tour de Garde lo hna qaja ka hape “Le but de La Tour de Garde.” Thupene lai, hamë angeice pi la lue zonal La Tour de Garde me Réveillez-vous!
5 Ame ngöne la itre xaa götrane ne cainöj, e maine itre atr a ajane troa ithahnataane la itre hmi hune la itre zonal, ke, qaja ju ka hape:
◼ “Ame ngöne la nöje së, ke, easë a iöhnyi memine la itre atr ka isa hetre hmin. Ame la itre atr ka thele Akötresie, ke, nyimu pengöne gojenyi hna xötrethengen. [E jë Itre Hu. 17:26, 27.] Hapeu, ceitune fe kö la mekuna i nyipë memine la hne së hna majemine wange enehila, itre atr a isa xötrethengene la hmi ne la itre keme me thine i angatre kö? Nue pi troa sa. Ame la mekune celë, ke, eje ngöne lo pane mekene ne lo itus L’humanité à la recherche de Dieu. Amamane jë la itre hna qaja ngöne la paragarafe 12 götrane 8. Ame la kola atre pengöne hnyawa la itre xaa hmi, ke, ka sisitria matre tro së a hetre trotrohnine kow. Ame la itusi celë, ke, ka qejepengöne la qaane memine la itre aqane melëne, memine la itre hna ini hnene la nöjei hmi ngöne la fen.” Nge maine ijije palakö, ke, amamane jë kowe lai atr la itre mekene lai itus memine fe la casi maine lue iatre qa ngön’ej.
6 Ame la tronge së ngöne la itre hnalapa, ke, tro së a mekune hnyawa laka hetrenyi the së la lue jiane huliwa së ka sisitria, thatraqane la troa xatuane la itre atr matre tro angatr’a kökötre ngöne la ua, jëne la Réveillez-vous! me La Tour de Garde. Epi tro palahi së a thupëne la nöjei ijine ka ijij, matre tro la lue zonale celë a amejëne la aja ne la itre atr.