Ketre Treu Ka Ketre Pengöne Kowe La Huliwa Ne Cainöje Trootro
1 Hapeu, ijije kö tro la treu diseba a hetre thangane koi epuni göne la huliwa ne cainöje trootro? Ejehi laka, loi e troa sazene la aqane cainöje hna majemine kuca, ngo loi tro palahi a mekune laka, hapeu, tha tro kö elanyi a tru la itre manathithi qangöne lai?
2 Ame la itre xaa itretre cainöje thöthi hna bapataison, ke, itre ka troa vakas, nge angatr’a ajane troa hane sipone troa pionie ka ixatua kowe la treu. Troa tru la ixatua koi angatre e hna ce huliwa me angatre hnene la itre qatre thup, me itre drikona, me itre xaa trejine ka cainöje trootro! Maine tha ijiji epuni kö troa hane pionie pine la itre jol, ke, hapeu, ijiji epuni kö troa atrune la itre xaa hawa i epuni matre ce cainöje memine la itre ka xome la huliwa ne pionie.
3 E maine tro la nöjei ka cainöje a catre troa huliwa atrun, ke, ijije hi tro la itre qatre thup a kuca matre, e nöjei drai tro palahi a hetre ka ce huliwa memine la itre ka xome la huliwa ne pionie.
4 Ijine hi enehila koi së, isa alacas, me ngöne la fami, me ngöne la ekalesia, troa nyiqaane mekune la aqane tro së a kuca matre tro la treu diseba a ketre treu ka sisitria ngöne la huliwa ne cainöje trootro, ngöne la ekalesia i easë.