Göi Itre Icasikeu Ne La Huliwa Ne Treu Diseba
Koi 6 Diseba Me Wiike Cili
Nyima 205
10 min: Itre ithuemacanyi koi së nge iëne ju la itre xaa Hna Amekötine qa hnine la Huliwa ne Baselaia.
20 min: “Xatuane jë la itre xan, troa atrepengönyi Iesu Keriso, Hupuna i Akötresie.” Troa ce ithahnataan. Iamacanyi hna troa kuca qa hnine la paragarafe 2 (hna troa kuca hnene la ketre atre cainöje ka majemin) memine la paragarafe 4 (hna troa kuca hnene la ketre atre cainöje thöth.) Xatua angatre jë troa trofë lo itus Le plus grand homme de tous les temps ngöne la kola cainöje ngöne itre hnalapa trootro me ngöne la nöjei ijine ka ijij.
15 min: “Amë ju thatraqai nyipunie la ketre ijine ka ijije göi troa hamë zonale trootro.” Troa ce ithahnataan. Ngöne la kola ce wange la paragarafe 3, amamane jë la aqane troa qejepengöne la itre taane e kuhu hnine la itre zonale hna xötrei kapa, hmekune la nöjei pengön’atr hna iöhnyi memine ngöne la itre götrane së.
Nyima 169 me thithi ne nyipun.
Koi 13 Diseba Me Wiike Cili
Nyima 146
10 min: Itre ithuemacanyi koi së, rapore ne la itre mani me itre ahnahna. Olene ju kowe la itre trejine, lo ixatua i angatre ngöne la itre huliwa ne la ekalesia, memine fe lo keesi Sasaiatri göi itre Uma ne Baselaia, memine la huliwa së ngöne la fene hnengödrai. Qaja jë fe la casi maine lue mekune nyine nyiqaane ithahnataane ngöne la kola cainöje trootro e mecixenyi me sabath.
20 min: “Nyiqaane jë la itre etid e Diseba.” Troa ce ithahnataan. Ngöne la kola ce wange la paragarafe 4, troa kuca la ketre iamacanyi nyine amamane la aqane nyiqaane troa inine la Tusi Hmitrötre ngöne la easë iwai hmaca. Xatua angatre jë troa thele la ca etid, e nöjei treu maine ijije hi.
15 min: “L’Annuaire — trengamo ka tru aliene nyine thuecatre koi së.” Cainöje hna troa kuca ngöne la madrine matre amamane la aqane troa trongëne la itre mekene Tusi hna cinyihan. Tro la ketre atre cainöje ka hnëkë hnyawa a qejepengöne la itre ewekë hna melën, hna xome qahnine la ca taan, me itre hna melëne hna cinyihane ngöne la La Tour de Garde götrane 32 ne januare drai 1, 1990, januare drai 1, 1987, me januare drai 1, 1986.
Nyima 165 me thithi ne nyipun.
Koi 20 Diseba Me Wiike Cili
Nyima 189
5 min: Itre ithuemacanyi koi së. Qaja ju fe laka hetre icasikeu ne cainöje trootro e diseba drai 25.
20 min: “Loi e troa ketr la hni ne la hnainin.” Troa ce ithahnataane me iamacany. Amamane jë ka hape loi e tro la ekalesia asë a atreine inine la ketre atr la Tusi Hmitrötr. Thupene la hna ce wange la paragarafe 3, tro la ketre atre cainöj’a amacaane la aqane troa xatuane la hnainin, jëne la itre hnyinge me itre mekene Tusi qa hnine la paragarafe 13 me 14 ne lo mekene 1 ne lo itus Vivre éternellement.
20 min: “Kola tru trootro la aja göi uma ne baselaia.” — Troa ce ithahnataan; sine trongene paragarafe 1 utihë 10. Amamane jë la kepine matre tro la itre qatre thup a pane iöhnyine memine la komite rezionale ne xupi uma, e angatr’a mekune troa xupe la ca uma ne Baselaia.
Nyima 61 me thithi ne nyipun.
Koi 27 Diseba Me Wiike Cili
Nyima 37
10 min: Itre ithuemacanyi koi së. Itre ithuemacanyi Akötresie. Qaja ju fe laka hetre icasikeu ne cainöje trootro e januare drai 1. Iamacanyi hna troa kuca nyine amamane la aqane troa huliwaane la itre itusi hna troa trofë e treu januare ngöne la itre götrane së.
15 min: Nemene la engazone la troa tupathe la dorog? Lue atre cainöje thöth’a ithahnata memine la ca qatre thup göne la doroge laka kola lö hnine la itre uma ne ini enehila. Tro nyidroti a qaja laka ame la itre xaa thöth, ke, angatr’a mekune laka pëkö engazone la troa ufi doroge e itre xaa ijin. Tro la qatre thupe a atrotrohninë nyidro ka hape ame la nöjei ewekë asë, ke, ngazo trootro hë qane lo nyidrëti petre kö a ini. Nyidrë a qeje pengöne laka ame la itre dorog, ke, tha hna cinyihane kö hnine la Tusi Hmitrötr, ngo hetre tulu ka loi koi së göne lai dorog, ngöne loi itus Comment raisonner götrane 112-118. Tro la lue thöthi a isa qaja la mekune i nyidro ngöne la aqane tro nyidro a ketre cilecatre qëmekene la itre ihuline la fen..
20 min: “Kola trutru trootro la aja göi uma ne baselaia.” — Cainöje hna troa kuca hnene la ketre qatre thup ngöne la madrine hna eköthe eje hune lo paragarafe 11 utihë 17. Köjane jë ka hape kola aja atr ka nue xanë angatre kowe la itre xupi uma ne Baselaia, celëhi matre thupene la icasikeu, ke, ijije fe troa hane hetrenyi lo pepa ne hnying. E ijije hi la traem, ke, qaja jë la itre hna melëne ka ijije qangöne la itre hna xupi uma ne Baselaia ngöne la götrane së.
Nyima 120 me thithi ne nyipun.