Kola Tru Trootro La Aja Göi Uma Ne Baselaia

¹ Ase hë thingehnaeane petrekö ekö hnene la hlue i Iehova perofeta i Nyidrë laka “tro ha traqa la nöjei ewekë lo hna ajane hnei nöjei nöj’asë.” (Hag. 2:7) Nge easë a öhne enehila laka, nyipici ka hape ame la itre ini qa thei Akötresie, ke, atreine itr’eje troa ea la nöjei atr kowe la nyipici matre tro angatr’a nyihlue i Nyidrë. Hetre madrine së troa goeëne the së la ala 135 hna bapataisone ngöne la macatre ne huliwa 1993! Nge easë a ajane troa hamë ixatua palahi kowe la itre ka hnyipi lö. Qangöne lai, loi e tro së a ‘mekune la itre jë së’, matre atreine së troa nu’asë la trenge catre së kowe la huliwa i Akötresie (troa wange la Hagai 1:5). Nge ame la ketre aqane troa nue la trenge catre së kowe la huliwa i Akötresie, ke, ene la troa hamë ixatua palahi thatraqane la itre uma ne hmi matre hetre göhnë ne la nöjei atr ka alanyim, itre ka hnyipi lö troa hane nyihlue i Iehova.

² Ame lo drai 1 eiperem 1992, ke, ijine kola fe la ca keesi Sasaiatri nyine xupe la itre uma ne baselaia ngöne la götrane së, matre hetre uma ne hmi ka hnyipixe thatraqane la 14 lao ekalesia. Ame ngöne la macatre ne huliwa 1993, ke, 5 lao ekalesia la hnei keesi hna perete manie kow, göi itre uma ne baselaia i angatr. Nge easë a madrin’atraqatre la ixatua hna hamëne hnene la itretre cainöje kowe la keesi cili, matre hetre jiane palahi ej. Nge itre mani hna perete kowe la itre ekalesia, ke, tro itr’ej’a bëeke hmaca koi keesi ceme ëtere, matre ijije troa huliwaane hmaca la mani cili ngöne la itre macatre thupen, matre troa xupe la itre uma ne baselaia ka hnyipixe.

³ Ixatua i komite rezionale ne xupi uma: Hnëqa ne la komite rezionale ne xupi uma troa xatuane la itre qatre thup ne la ekalesia ka aja uma ne baselaia ka hnyipixe, maine ka ajane troa nyihnyawane la itre götrane la uma ka ngazo hë. Nge tro la komite a xatua angatre troa atrehmekune la ka ijije göi uma ka hnyipixe maine göi reparasio, maine göi ixatua qa trön, ngo loi e tro la ekalesia a pane ketre la komite ngöne la itre götrane cili.

⁴ Hetre itre hadredre la etrune lao atr ka saene troa kuca la itre huliwa cili. Ame la itretre saene cili, ke, itre ka majemine hë xupi uma, trene metie me itre ka atreine hnyawa, nge angatr’a hamëne gufane la traeme i angatre me trengecatre i angatre matre troa thele hnepadro, maine kuci pepa thei mus, maine kuci pala ne uma, maine hnëkëne la lis, ene lo pepa ne fejane la itre ewekë nyine itöne thatraqane la uma. Nge ame la aqane hamëne cili, kola nuapexejene la hna hetrenyi kowe la huliwa i Akötresie, ke, celëhi aqane ujë ka loi me aqane thele la manathithi qathei Iehova. — Ite Edomë 11:25.

⁵ Qanyine la itre qatre thupe troa hatrengëne la komite rezionale ne xupi uma, e maine angatr’a mekune troa nyihnyawane hmaca la itre uma ne baselaia i angatr, maine xupi ka hnyipixe. Pine nemen? Pine laka atreine la komite rezionale troa xatua angatre troa wangatrehmekune la itre ewekë ka ijije nyine troa kuca. Celëhi matre maine kola troa iëne la göhne ne la uma, ke, nyimu ewekë nyine troa pane goeëne, ngo tha ene casi kö la thupene la hnepadro. Hetre itre xaa ewekë hmaca kö ka nyixane la thupene la dro, tune la troa huliwaan’eje matre acepunikën, troa nyidrawaane me xometrije la itre engazon, troa kuca thei musi la itre pepan’eje ka nyimutre. Maine kola aja jiane mani thei sasaiatri, ke, atreine la komite rezionale troa xatuane la itre qatre thupe troa kuca la itre pepa ne perete mani.

⁶ Hnei Sasaiatri hna acile la komite rezionale ne xupi uma, matre troa amamane la itre tulu ne kuci uma ne baselaia. Loi e tro palahi la itre qatre thupe ne la ekalesia, a pane ketr la komite me ce wange me angeice la itre tulu ne uma, qëmekene la troa iëne la aja i angatr. Celëhi matre ijije troa iëne la ka co thupen, nge ijije fe troa iëne la uma ka ihmeku memine la itre tulu ne kuci uma ka loi, nge ka ihmeku memine la itre huliwa ne ekalesia.

⁷ Loi e troa amë hnyawane la itre pepa ne la uma, lo hna cinyihane la thupene la nöjei ejolen’ej. Hetre itre trejine ka atre hnyawa la kotabilite, nge angatr’a ce huliwa memine la komite rezionale matre hamë ixatua kowe la itre ekalesia. Nge itre xaa trejine a ixatua fe troa apexejene hnyawane la itre pepa ne perete mani me itre xaa pengöne kö. Celëhi matre tro la ixatua ka tru cili, a inine la itre qatre thupe ne la nöje së ka tha majemine kö huliwa tune lai, matre troa kuca thenge la tulu ne la itre trejine ka atreine huliwa ngöne la itre pengöne cili. Nge e fenesi hë la huliwa, ke, tro la komite rezionale a amë hnyawane la ca pepa ne qaja la nöjei ewekë asë hna kuca thatraqane la uma.

⁸ Mejene thene la nöjei atr ka goeën: Nge nyine anyipicine kowe la nöjei atr, laka eje la uati hmitrötre i Iehova thene la itre trejine ka huliwa ngöne la itre uma ne baselaia. Ame la kola kuca la ketre uma, ke, hna itöne la itre ewekëne ngöne la ketre magazë ne salemë sinöe. Önine la direketör, ka hape: “Eni petre hi a öhne ngöne la hna huliwa celë, laka ame la itre temoë i Iehova, ke, itre atr ka tha ceitu kö memine la itre xan. Eni a sesëkötre me madrine la eni a hane sine la itre drai celë, nge eni fe a olene la hnepe ixatuange thei epun. Nge nyine tulu lai koi epuni me itre trejine me epuni asë, nge epi troa manathithi la itre huliwa i epuni ngöne la itre drai ka troa xulu.”

⁹ Ketre ceitune fe, hnene la ca ka saleme trootro hna pane lapa koi köni drai ngöne la hna xupi uma ne icasikeu. Öni nyidrë ka hape: hetre thangane ka tru koi ni qa ngöne la hnenge hna ce lapa me epuni la pune wiik. Ujë hë la aqane mekunenge göi itre temoë i Iehova! Nyipici laka hetre ketre huliwa ka sisitria kö thei epuni hune hi la troa fenifeni qëhnelö. Götraneqa katru lai nge ka ijije troa ce thawa. Hawe the sesëkötre kö epun, maine tro epuni a öhnyini hmaca ngöne la itre xaa icasikeu i nyipunie.”

¹⁰ Ame la kola fenesi la uma, hna cinyihane hnene la mere kola nyi ukeineqe ne la nöje kola hape: “Ceitu me ketre iamamanyikeu la kola goeëne la itre hadredre lao atr ka saene kola xupe nyimenyimëne la uma. Nyipici laka, ketre uma ka mingömingö. Kola ithahnatane hnene la itre ka lapaane la nöje la aqane mejë nyimenyimen’ej. Ame la uma ne icasikeu ka hnyipixe celë, ke, ketre nyine anyipicine kowe la itre atr ne la nöj, nge ame fe koi huni memine la ekalesia, ke, atraqatre la madrine troa kapa ej.”

¹¹ Loi e troa nyimu ka saen: Nge kola ajane catrëne hnei komite rezionale ngöne la itre icasikeu ka aja uma ne baselaia ka hnyipixe, la itre trejine trene metie nge ka pëkö ejolen. Celëhi matre qanyine la itre trejine cili troa ce huliwa memine la itre qatre thupe me itre drikona ne la nöje së, matre troa ini angatre la aqane xomi iujine la itre huliwa. Nge e atre hnyawa ha angatre la itre ewekë nyine kuca, nge itre atr trene wangatrehmekune pena, hawe ijiji angatre troa ameköti huliwa ngöne la itre xaa uma ne baselaia hna troa xupe ngöne la nöje i angatr. Celëhi matre tro la itre atren’asë ne la itre ekalesia ka aja uma ne baselaia, a caasi me ce mekune me hetre aja ngöne la huliwa, nge qa ngöne lai, tha tro kö angatr’a lapa goeëne me nue caasine la komite rezionale troa kuca hmekuje la nöjei huliwa ne la uma ne baselaia i angatr. Ketre mina fe, thupene la hna ini angatr, nge pine la ihnimi angatr, ijije tro angatr’a xatuane la itre xaa ekalesia ka aja uma ne baselaia tui angatr, pine laka atreine hnyawa ha angatre la itre nyine kuca. — Neh. 5:19; Fil. 2:3, 4.

¹² Loi e tro la itretre cainöj, itre hna bapataisone hë, itre trene metie, a nu’apexejenyi angatre kowe la huliwa atraqatre celë hna amë qëmeke së. Hetre itre pepa hna hnëkëne thene la qatre thupe peresida me seketere ngöne la itre ekalesia, matre tro la itre volotere a cinyihane la itre hnei angatre hna atreine kuca ngöne la nöjei götran’asë, maine ngöne kuci xen, sekirite, cai maano, kotabilite me kuci pepa ngöne mus. (Maine epuni a aja pepa ne voloter, ke cinyanyi jë koi Sasaiatri troa sipon.) Hawe, maine tro së a kuca tune lai, ke, easë a amamane la ihnimi së kowe la itre ka lapa easenyi së, ene la itre trejine keresiano. — Mat. 7:12; 22:39; Joane 13:35.

¹³ Madrine së la ixatua ne la itre voloter: Ala xalaithe hi la ka atrehmekune laka tha ewekë ka co kö la xupi uma ne baselaia, ngo atre hë angatre la angatr’a saene kowe la huliwa cili. Thupene la kola afenesine la ketre uma ne baselaia, ke, hna cinyihane hnene la itre qatre thupe ka hape: “Ketre manathithi ka tru koi së troa goeëne la emenyikene la aqane amekötine la huliwa koi së hnene la itre trejine ka cilëne la komite rezionale ne xupi uma. E tro huni a mekune la aqane ameköti huni hnei angatre ngöne la huliwa, me ngöne la aqane troa ce huliwa memine la itre trejine trene metie, ke, kola mamacile koi huni lo hna qaja ngöne 1 Peteru 5:2, 3, lo easë a e lo hna cinyihane la aqane troa thupë mamoe, ka hape: ‘the göi mus, ngo loi e göi aja kö, thenge Akötresie; nge tha göi hetre mo, ngo loi pe göi hni ka ajan; ketre the qene joxune la itre qâ i nyipunie, ngo loi nyine tulu ne la hnënge mamoe.’ Nyipici laka tulu ka tru la itre trejine celë ngöne la aqane troa nyi hlue koi Iehova. Nge qaane la xötrei uti hë la fenesi la uma, ke, tha mano kö angatre ngöne la itre drai ka nyimutre, troa nyinyapëne la itre gojenyi ka nany, me troa huliwa aqeany, me troa hamëne la itre zuti angatre me itre jiane huliwa i angatr, matre troa xatua së troa xupe la uma ne baselaia së ka hnyipixe. Ame la aqane hame i angatre tune lai, ke, angatr’a amamane laka angatr’a ‘hnime la ange tejin,’ nge ketre tulu lai koi huni fe nyine xatua hun.! — 1 Pet. 2:17.”

¹⁴ Nge eje hi laka hetre aja me hni ka pexej, thene la itre trejin. Celëhi matre hna cinyihane hnene la ketre gurupe thei angatre ka hape: “Ekölö hi ni la madrin’atraqatre koi së troa goeëne la itre trejine qa Kore, qa Sepania, qa ngöne la itre ekalesia qene papale, angatr’asë a ce huliwa cehnië ngöne la hmi Iehova.” Nyipici, nge nyipici la hnaewekë ngöne Salamo 133:1, 3, kola hape: “Hanawang, lolopi hë me seminge pi hë la kola ce lapa la ange tejin!” Önine la ketre qate thupe ka huliwa ngöne la komite rezionale ka hape mingömingö koi nyidrë troa nyi hlue kowe la itre trejin. Öni nyidrë hmaca ka hape “Ketre ithuecatre kowe la itre ekalesia troa wange la itre trejine kola trongëne la itre gojenyi ka hetre itre hadredre lao kilomet, matre troa xatua angatre troa hamëne koi Iehova la ahnahna qa ngöne la hni angatre. Nyipici laka, ame easë, ke, itre trejine ka ihnimekeu!”

¹⁵ Thupene la hna xupe la ketre uma ne hmi, ke, hnene la qatre thupe peresida hna cinyihane la tusi celë ka hape: “Thatreine kö huni troa afenesine casine la uma celë, pine laka alanyimu la itre qatre ngöne la ekalesia hun. Celëhi matre eahuni a ole atraqatre koi epuni me itre trejine laka tha hnei epuni hmekuje kö hna kapa hi la ihnimi Iehova, ngo hnei epuni fe hna amaman’eje ngöne huliwa. Hawe, eka epuni itre trejine: ‘Nyipiewekëne jë la huliwa ka loi.’ Nge kola drenge catrëne hnene la itre trejine e kuhu hni angatr, la ixatua qathei epun, nge nyipici laka nyine amadrinë Iehova la Keme së asë.” Önine la ketre atrene komite ka hape: “Hne huni hna öhne laka sisitria catre la aqane enijene la itre ka huliwa. (Filem. 21) Nge kola sesëkötre la angetre kë zine e celë, ka tha hmi temoë kö, ka hape ‘Nyipici laka Iehova a ceme epun!’ ”

¹⁶ Hetre ixatua palahi qa ngöne la itre ahnahna mani: Ame la itre ahnahna hna hamëne thatraqane la keesi Sasaiatri göi Uma ne Baselaia, ke, ixatua lai kowe la itre ka troa xulu. Hapeu, ase kö Iehova amamane la tulu ne hamëne gufan? (Iakobo 1:17) Ejehi laka easë a hamëne thenge la isa hne së hna hetreny, me thenge la isa ijine ka ijij, ngo maine atreine së troa tuluthe la aqane mele së, ke, ijije fe tro së a hane hamëne la edrö së kowe la huliwa ne xupi uma. Nge ame la aqane ujë cili, ke, nyine amadrinëne la hni Iehova, nge nyine ithuecatre fe kowe la itre trejin.

¹⁷ Easë a öhne enehila laka, kola elë trootro lo “ka ala nyimu atraqat,” angatr’a xemine la maca ne baselaia. Nge kola lö fe kowe la ene ne la hmi Iehova, lo “nojei ewekë hna ajan,” nge Nyidrëti a ‘atiqane la uma i Nyidrë hnei lolo.’ (Hna Ama. 7:9; Hag. 2:7) Nge tune lo aqane ujë ne lo angetre lapaune i angetre Iudra, hawe loi e tro së a nue la hni së kowe la huliwa i Akötresie, ene la troa xatuane la itre ekalesia ka aja uma ne baselaia. Ngacama nyimu thauzane hë la etrune la itre uma ne baselaia hna xupe ngöne la itre macatre ka ase hë, ngo ketre nyimenyime catre fe la nöjei atr ka lö enehila. Hawe, maine hetre ixatua së palahi kowe la keesi Sasaiatri göi uma ne baselaia, ke, ketre aqane ka sisitria lai troa nyipiewekëne la huliwa i Akötresie.