Göi Itre Icasikeu Ne La Huliwa
Koi 10 Julai Me Wiike Cili
Nyima 7
12 men: Itre Ithuemacanyi koi së. Iëne jë la Itre Hna Amekötiin qa hnine la Huliwa Ne Baselaia. Qaja jë la rapore ne hna cainöje ngöne la treu eiperem, ngöne la nöj, me ngöne la ekalesia. Wange ju la itre mekune hna eköhagene hna hape, “Hanawange La Götrane Hnapin,” nge iamacanyine jë la caasi maine lue aqane nyiqaane ithahnata, ka troa hetre thangane ka loi ngöne la teritoare së. Troa ithuemacanyi göi cainöje trootro, e 14 Julai.
15 men: “Tha ’Teine Kö Nyiho Troa Tha Qaja.” Thaa tro kö a qea troa nyiqaan, thupene lai, ce ithahnatane jë. Amamane jë la itre kepine matre easë a ahmitrötrëne la huliwa ne cainöje së. Itre mekune ka ijije qa hnine la zonal, La Tour de Garde ne 15 Januare 1997, g. 23-4.
18 men: “Loi e Kuca La Nöjei Ewekë Asë Nyine Akeukawan.” Troa ce ithahnatane hnene la lue qatre thup. E jë la itre paragarafe memine la itre xötre hna hamën. Amamane hnyawa jë la itre trepene meköti hna kapa qa ngön. Kola amamane hnyawa la enyipi ewekëne la troa atreine waimekun, ngöne la kola thele mani, maine ami manie pena göi ketre huliwa hna troa thele mo qa ngön. Wange ju la eamo hna hamëne ngöne la zonal La Tour de Garde ne 15 Maac 1997, g. 18-19, 22.
Nyima 15 me thithi ne nyipun.
Koi 17 Julai Me Wiike Cili
Nyima 23
15 men: Itre Ithuemacanyi koi së. Troa cile fë la hna ithingë. Qaja jë la aqane troa xome la boroshür, Le nom divin, matre troa xatuane la itre atr ka drei së, troa kapa madrine la enyipi ewekëne la troa atre me troa xome la sipu ëje i Akötresie.—Wange ju la itus, Comment raisonner, g. 200-1.
10 men: “Porogarame Ka Hnyipixe Göi Asabele Ne Sirkoskripsio.” Troa ce ithahnatan. Ithuecatre jë troa sine asë la nöjei drai. Ixatua jë troa pane thele troa hane könëne la itre hnainin. Maine tro angatre a hane sine la itre asabele, tro ha hane upi angatre troa caasi pala hi memine la ekalesia.
20 men: Tulu i Drei La Hnei Nyipunieti Hna Troa Xötrethenge? Kola etid hnene la keme memine la caas, maine lue nekö i nyidrë thöth. Kola öhne laka, nango tru catre hë la hnei nyidro hna qaja lo itre atr ka hlemu ka kuci elo, me ka elo ngöne sinema, me televizio, me itre ka nyima. Nyidrëti a hnehengazo nyidro, pine laka, itre ewekë lai ka ihul, nge iahnuene la mele me aqane ujë ne la fen. Angatre a ce ithahnatane la zonal, Réveillez-vous ! ne 22 Mei 1998 g. 12-14. Kola atrehmekune hnene la itre thöthi laka, hetre engazone la itre ewekë cili, ke kola thili kowe la itre atr ne fen ka hlemu, nge nyidroti a ce kapa hnyawa laka, eje hi pëkö caa ewekë ka loi hna troa kapa qaa la fen. Kola öhne la eloine la troa goeëne hnyawa pe la itre keme me thin, me itre qatre thup, me itre xane ju kö hnine la ekalesia—me wangatrune fe la pengöi Iesu Keriso—celë hi itre tulu ka loi nyine troa xötrethenge.
Nyima 34 me thithi ne nyipun.
Koi 24 Julai Me Wiike Cili
Nyima 45
5 men: Itre Ithuemacanyi koi së.
15 men: Loi e Tro Së Isa Amamai Së Kö Itre Hlue i Akötresie. Kola ithahnatane hnene la lue drikona la itre ihaji qa hnine la Tusi Hmitrötr, hna xome ngöne lo zonal La Tour de Garde ne 15 Diseba 1998, g. 19-20. Nyidroti a madrine la enyipi ewekëne la troa loi thiina hnene la drikona, me ce wange la nyine tro nyidroti a isa kuca matre troa amamane ka hape, nyidroti a eatrëne hnyawa la itre hnëqa. Nyidroti mina fe a wange la enyipi ewekëne la troa hamë tulu ka loi ngöne la hna cainöj, me ithahnatane la itre aqane troa ce huliwa memine la itre qatre thup, matre troa hane xatuane la itre trejine asë. Nyidroti a ce axeciëne laka, tro nyidroti a kuca asë la hnei nyidroti hna atreine matre troa xatuane la ekalesia troa wangatrune la itre drai, laka, easenyi hë la pun, nge matre troa kökötre me tro loi hnyawa la mele së ngöne la götrane la ua.
10 men: Cinyanyi Jë Kowe La itre Atr Hne Së Hna Thatreine Troa Iöhnyi Memin. Cainöj nge troa ce ithahnatan. Pine laka, paatre pala hi la itre atr ngöne la itre hnalapa i angatr, haawe, kola öhne hnene la itre xaa trejine laka, ka lolo catre e troa cinyany. Hanawange la itre nyine troa thupën: Thaa tro kö a qea menu la tus, troa nyitrepene la itre mekune hnene la itre xötre ne la Tusi Hmitrötr, troa hetrenyi la metrötr. Loi e tro la atr ka e la tusi a atre laka, easë la ka cinyany. Loi e troa cinyihane hnyawa la itre mataitus, matre thaa tro kö a jole troa e la tus. Hamëne ju la hna hnen la Uma Ne Baselaia, memine la itre hawa ne icasikeu, nge könë angatre jë fe troa hane sine itre ej. The hamëne kö la hnalapa i Sasaiatri. Wange hmaca ju la itre mekune nyine ixatua hna hamëne hnine la itus Manuel pour l’École, g. 86-7, memine la itre mekun, Kola Sa La Itre Hnyinge i Nyipunie, hnine la Huliwa Ne Baselaia ne Nofeba 1996.
15 men: Xome Jë La Itre Aqane Nyiqaane Ithahnata Ka Lolo. Iëne jë la luetre maine köni aqane nyiqaane ithahnata qa hnine la itus, Comment raisonner götrane 9-15, nge ithahnatane jë la aqane troa huliwane hnyawa itre eje ngöne la teritoar. Hnyingëne jë kowe la itre trejine ka hape, “Nemene la itre aqane nyiqaane ithahnata hnei nyipunieti hna xom, ngöne la kola cainöje kowe la ketre atr ngöne la itre gojeny, maine ngöne la nöjei ijin, maine ketre aqane pena?” Iamacanyine jë la caas, maine lue aqane nyiqaane ithahnata, maine ijije la traem.
Nyima 54 me thithi ne nyipun.
Koi 31 Julai Me Wiike Cili
Nyima 66
15 men: Itre Ithuemacanyi koi së. Amekunëne ju la itre trejine göi rapore ne treu Julai. Sipone angatre jë troa qaja la itre hna melëne ka lolo ngöne la kola tro fë la itre boroshüre ngöne la treu celë.
12 men: Itre Ihaji Koi Së.
18 men: “Hetre Eloine Kö Koi Së La Aqane Xomihni Ahoenyi Iehova?” Troa ce ithahnatan. Xome jë fe la itre mekune ka ijij, ngöne la aqane xomihni ahoeanyi Iehova.—Wange ju la Perspicacité, Volime 2, g. 499-504.
Nyima 75 me thithi ne nyipun.
Koi 7 Ogas Me Wiike Cili
Nyima 88
10 men: Itre Ithuemacanyi koi së. Troa ithuemacanyi göi cainöje trootro, e 15 Ogas.
17 men: “Hapeu Atr Ka Lapa Hnö Kö Nyipunie Hnei Xou?” Troa ce ithahnatan. Qaja jë la itre ewekë hna melëne hnene la itre trejin, ka troa xatua së; itre eje hnine la itus Annuaire 1997 g. 43-4.
18 men: Inamacane Jë Ngöne La Mele i Nyipunieti Elany. Cainöje ne la ketre qatre thup. Kola ajane hnene la itre thöthi troa mele madrine elanyi memine la itre atr hnei angatre hna hnim. Maine pëkö engazone lai, ngo loi e tro pala hi angatre a trongëne la itre eamo hna hamëne hnei Akötresie, matre troa eatrëne la aja i angatr. (Ite edomë 19:20) Ka catrehnine catre la aja thene la nekö trahmanyi memine la jajiny. Maine thaa hna xomihnine hnyawa kö, eje hi laka, troa hetre thangane ka ngazo koi angatr. Atreine hi tro sa isa hnyinge ngöne la inamacanene la itre thöth, ngöne la aqane imelekeu me ihnimi angatr, itre nekö trahmanyi me jajiny. Wange hmaca ju la ihaji hna hamëne hnine la itus, Les jeunes s’interrogent, g. 231-5. Amamane hnyawa jë la itre mekune ka tru hna xome qa hnine la zonal La Tour de Garde ne 15 Nofeba 1999 g. 18-23, kola amamane la enyipi ewekëne la tro angatre a eatrëne hnyawa la hnëqa i angatre koi Akötresie. Xatua angatre jë troa mekune hnyawa la eamo celë, me ce ithahnatane eje memine la itre keme me thine i angatr, maine eje thei angatre la itre xaa hnying.
Nyima 101 me thithi ne nyipun.