Ithuecatre Ka Tru La Kola Kökötre La Huliwa Jëne La Itre Vizite Ka Hetre Thangan
1 Emelene la itre atr ka ajane la tro së a wai angatre palahi matre troa hamë angatre la xeni ne la ua. Tro la itre vizite së a xatua angatre troa kökötre trootro ngöne la ua. (1 Kor. 3:6-9) Nge nyipi ewekë tro së a pane hnëkë hnyawa thatraqane lai atr hne së hna vizitën, matre hetre thangane la tro easë a iwai hmaca.
2 Aqane wange hmaca la itre atr ka xomi tarak: Ma hne së hna amë pe lo tarak Une vie paisible dans un monde nouveau ngöne la xötrei iöhny.
Thupene la hna amekunëne lo ithanata hnapan, hnyinge jë ka hape:
◼ “Nemene musi la ka atreine troa hamëne la itre ewekë ka ketre pengöne celë? [Nuepi troa sa.] Nyipici laka ajane catre fe nyipë troa hane mele tune la. Nemene la aqane tro së a eatrëne la itre ewekë celë?” Hawe, troa sa la hnyinge cili fene lo hna cinyihane ka hape “Ces bienfaits sont à votre portée.” Amamane jë lo itus Vivre éternellement, mekene 15, “Comment devenir un sujet du gouvernement de Dieu.” Ce wange jë lo lue pane paragaraf, nge hnyingënejë ka hape: “Nemene la thangane kowe la mele së la troa inine la göi Akötresie?” Ce wangejë la aqane troa iöhnyi hmaca matre troa sa la itre hnyinge cili.
3 Ngöne la easë a bëeke troa wange hmaca lo itre ka xome lo boroshür “Dieu se soucie-t-il vraiment de nous?”, tro së a qaja ka hape:
◼ “Ame lo eni a traqa lo ketre ijin, ke, hnei easo hna ithanatane la itre akötrene la fen, memine la aqane tro Akötresieti a apatrene itr’ej, thenge la hna thingehnaeane hnei nyidrë. Ngo hnauëne laka Akötresieti a nuaqeane pala kö enehila la itre akötre cili? Hna qeje pengöne hnyawane la hnyinge celë ngöne lo götrane 6, hnine lo boroshüre hnei easo hna ce wang.” Sipone jë lai atr troa wange ngöne lo itusi angeice kö. Thupene la hna wange la itre xaa paragaraf, ke, pane hnyinge jë ka hape: “Nemene la nyine tro easë a kuca matre tro së a manathithine la itre hna thingehnaeane hnei Akötresie?” Ijije troa ithanatane la ewekë cili jëne la itre hna cinyihane, götrane 28 utihë 31, mekene 11, lo hna cinyihane ka hape “Le fondement du monde nouveau est dès maintenant posé”. Troa wange pë hë ngöne la vizite hnapin.
4 Aqane troa wange hmaca lo itre ka xomi zonal: Maine hne së hna wangatrehmekune laka kola ajane hnene la atr la ketre mekene hna cinyihane ngöne lo zonal, ke, qeje pengöne hnyawanejë lai mekene cili ngöne la easë a bëek, nge ejë fe la ca xötre qa hnine la Tusi Hmitrötre ka ihmeku memine la itre hna ithahnatan. Ketre mina fe, amexeje jë la zonale ka troa traqa maine hetre mekune ngön’ej, ka sisedrëne la hna ithahnatan. Ngo ijije palahi tro së a amamane ngöne lo itus Vivre éternellement la itre mekune ka ceitune memine la hna ithanatan, nge e thupene lai, loi e troa isapui hmaca troa ithahnatane e ketre ijine iwai.
5 Ame la aqane nyipi ewekëne së la itre vizit, me aqane hnëkëne hnyawane së itr’ej, ke, kola amamane laka hetre ihnimi së memine la itre atr, nge hetre ihnimi së fe koi Iehova. (Ioane 13:34, 35) Epi tro së a hamë ixatua palahi, matre kökötre la itre atrene la nöje së ngöne la ua, jëne la itre vizite ka hetre thangane hne së hna nyipi ewekëne troa kuca.