Bëeke Hmaca Jë Matre Troa Amelene La Itre Xan
1 Aja i Akötresie tro “la nöjei ate asëjëihë a mele me wangate hmekune la nyipici.” (1 Tim. 2:4) Nemene la nyine tro së a kuca matre troa xatua angaatr? Loi e tro së a mekune hnyawa ka hape, ngöne la easë a bëeke troa iwai hmaca, ke, göne la troa inine la itre atr la nyipici. Nemene la hnei epuni hna troa qaja? Tro la itre mekune celë a xatua epun.
2 Ngöne la epuni a wange hmaca la ketre atr ka kapa la itus “La paix et la sécurité véritables: comment est-ce possible?” ke, amamane hmaca ju la iatr ngöne la götrane 4, nge hnyinge ju kowe lai atr ka hape:
◼ “Maine ase hë nyipë goeëne lo itus hnenge hna amë pe, nge atre hë nyipë la hna thingehnaeane hnei Akötresie göne la paradraiso ecelë fen, nemene la mekune i epuni göne la itre hna thingehnaeane ka sheminge hna hnëkëne hnei Akötresie thatraqane la nöjei atr?” Thupene la hna drenge me qejepengöne hnyawa la hna sa hnene la atr, ke, amamane jë la mekene 2 me 3, nge qaja ju ka hape loi e tro fe a goeëne hnyawa la kepine matre pëkö thangane la trengecatre hna kuca hnene la atr memine la itre hmi troa hetrenyi la tingetinge me lapa loinöj.
3 Maine hnei epuni hna tro trije la atr, me nue angeice pë hë troa thele la kepine matre Akötresie a nue la iangazo, ke, ngöne la epuni a bëeke hmaca, amekunëne ju la hnei epuni hna ithahnatan, tha tro pe a aqean, nge qaja ju ka hape:
◼ “Atraqatre la madrinenge lo porotrike nyiso hnapan, nge eni a bëeke troa hnyingë nyipëti la mekuna i nyipë ngöne la kepine matre Akötresieti a nue la gomegom me iangazo enehila ecelë fen. [Nue pi troa sa. Fe jë, nge e jë la paragarafe 25 ngöne la götrane 54 hnine la itus Paix véritable, nge e jë fe la mekene tus hna fejane ngöne 2 Peteru 3:8, 9.] Ngöne la mekene thupene la itus kola hnyinge ka hape ‘Nemene la hna kuca hnei Akötresie?’ Maine ajane nyipë, tro nyiso a ce wange la mekune celë ngöne la ketre traqa hmaca ni.”
4 Maine jë epuni a troa wange hmaca la ketre atr ka kapa la itus “Comment s’assurer une vie de famille heureuse:
◼ “Ame lo pane traqa ni, ke, ketre tru pi hë la hnenge hna meku epun, pine la itre jole ka traqa kowe la itre fami enehila. Nyipi ewekë tro la itre fami a isa hnëkë hnyawa kowe la itre drai ka troa xulu, pine laka easë a melëne la itre drai hnapine ne la fene ka ngazo celë. Haawe, kola ithuecatre koi së hnene lo itus Comment s’assurer une vie de famille heureuse matre tro palahi a ithahnatane la itre taane mekune qa hnine la Tusi Hmitrötre ngöne isa hnalapa. [E jë la paragarafe 10 ngöne la götrane 185-6.] Maine ajane nyipë, atraqatre la madrinenge troa amamane koi nyipë ngöne hi la itre hnepe menetre ka co la aqane ithahnatane la Tusi Hmitrötre hnene la itre atr kowe la itre fami ngöne isa hnalapa, nge ngöne la 200 lao nöj.” E ijije hi la traem, ke, xome jë la itre mekune fene la hna cinyihane ngöne la götrane 71 matre troa amacaane la ini Tusi Hmitrötr.
5 Maine epuni a wange la ketre atr ka kapa la itus “Sécurité universelle,” qaja ju ka hape:
◼ “Eni a bëeke hmaca troa qejepengön atrune la aja i Akötresie kowe la fen.” Fe jë kowe la iatr ngöne la götrane 172-3, e jë la Hna Amamane 21:3, 4, nge thupene lai qejepengöne jë la aqane tro la Baselaia i Akötresie a aeatrëne la hnei Nyidrëti hna thingehnaean, tha tro pe a aqean. Hnyingëne ju ka hape ajane fe kö angeice troa hane inine la Tusi Hmitrötre ngöne la hnalapa i angeic, pëkö thupen.
6 Mekune ju laka ame la aliene la itre iwaihmaca, ke, ene la troa nyiqaane inine la Tusi Hmitrötre kowe la itre atr. Hna kuca ijije la itus ka hnyipixe, ene La connaissance qui mène à la vie éternelle matre troa inine la itre atr. E hne së hna amë pe la ketre itusi ka hekö hë, nge enehila ke easë a nyiqaane inine la Tusi Hmitrötre kowe lai atr, ke, loi troa ee angeice kowe la itusi ka hnyipixe. Tro së a madrine ngöne la kola inine hnene la itre atr troa qaja la atresiwai Iehova matre troa hane mel.—Ite Huliwa 2:21.