Hëne Jë Fe La Itre Ka Pi Ij
1 Tune la hna thingehnaeane hë hnei perofeta Amosa, enehila kola akötre la itre atr pine la “[jinë pë nyine ij, a thaa timi kö NW], ngo jinë wesi ula i Iehova.” (Amosa 8:11) Maine easë a ajane troa xatuane la itre atr ka pi iji ngöne la götrane la ua, haawe, loi e tro së a hane thuemacanyi angatre la itre hna hnëkëne hnei Akötresie thatraqane la itre atr ka drenge thenge; jëne la itre hna amekötine cili, tro ha xome trije qa thei angatre la ngazo memine la mec; drei la aqane qeje pengöne ngöne la pune la mekene la tusi Hna Amaman, kola hape, kösë “hneopegejë timi ne mel.” Hnëqa së la troa hane tro fë fe la ithuemacanyi kowe la nöjei atr ka pi ij, nge ka thele la meköt; ene la troa hë angatre nge hape ju, “xome gufane jë la timi ka mel.” (Hna ama. 22:1, 17) Tune ka la aqane tro së a ihë ngöne la treu celë, treu febuare? Tro sa tro fë la itusi La Révélation: le grand dénouement est proche! kowe la itre atr ka hni ka menyik, nge ka ajane troa hane kapa la itus. Atreine hi tro epuni a xome la itre aqane nyiqaane ithahnata celë:
2 Pine laka, nyimutre la itre atr ka hnehengazone me thupëne la mele i angatre qa ngöne la itre pengöne mec, haawe, troa hetre thangane la aqane nyiqaane ithahnata celë:
◼ “Nyimutre catre la itre atr ka hokötre enehila pine laka, kolo pala hi a elë la thupene drösinöe, me pital, me droketre. Maine jë hetre hnei nyipëti hna hane mekune ngöne la ewekë celë. [Nue pi troa sa.] Hapeu, atreine kö troa paatre la jole cili? [Nue pi troa sa.] Hanawange la ketre nyin ka lolo catr.” E jë la Hna Amamane 22:1, 2. Thupene lai, fe jë la itus La Révélation: le grand dénouement est proche! kowe la iatr götrane 308-9, nge xome jë la paragarafe 22 ngöne götrane 311 matre troa qeje pengöne ej. Nyipune ju me qaja ka hape: “Kola troa qeje pengöne hnene la itusi celë, la nöjei xötre ne la tusi Hna Amamane.” Hamëne pi la itus, me ce wange la ijine troa iwai hmaca.
3 Ame ngöne la kola iwai hmaca, thaa nyipi ewekë kö troa ithahnatane atrune menune la mekune hna amë pe, qaja ju hi ka hape:
◼ “Ame lo traqa hnapane ni, hne so hna ce ithahnatane la nyin ka sisitria thatraqane la itre meci ka eje the së. Tuneka la hnei epuni hna hane mekun, tro kö a traqa elanyi la ketre ijine thaa tro hmaca kö a tithe la atr hnene la itre sine mec? [Nue pi troa sa.] Hanawange la hna thingehnaeane ka sisitria celë.” E jë la Isaia 33:24. Thupene lai, fe jë la boroshüre Thele ngöne la ini 5, nge ithahnatane jë la paragarafe 5-6, me xome la itre hnyinge ka ihmeku memine ngöne la qaane la ini, nge goeëne ju fe la itre xötre hna hamëne ngöne la itre paragaraf. Qaja ju fe ka hape, ame la troa apaatrene la itre sine mec, memine fe la mec, ke, celë hi lo ewekë lai hna ajane hnei Akötresieti ekö, ngöne la qaan, kowe la ihnadro. Wange ju matre troa bëeke hmaca troa sisedrëne la itre xaa paragarafe ne la ini cili, ene la itre paragarafe 1-4 me 7.
4 Maine kola hleuhleu la itre atr hnene la hna meci la ketre atr, ene laka, hna thupatëne la mel, haawe, pane tupathe ju la mekune celë:
◼ “Maine jë hane fe hë nyipë drenge lo la nouvelle [qaja jë lai ithuemacany]. Ame la kola thupatëne la mele ne la itre atr, kola thele hnene la itre atr ka ala nyimu la aqane troa akeukawane la hni ne la itre trene sinee ka mec. Nemene la hnei epuni hna mekun?” Nue pi troa sa. Thupene lai, fe jë la itus Révélation: dénouement, götrane 299, nge köjane ju jëne lai iatr la aqane amamane la mele hmaca i itre ka mec. Sisedrëne jë me hape: “Nyimutre la itre atr ka hai laka, kola troa amelene hmaca la itre ka meköti me itre ka thaa meköti kö, matre tro angatre a lapane la paradraiso e celë fen. [E jë la Ite Huliwa 24:15, xötre hna cinyihane ngöne la paragarafe 9 götrane 297, nge qeje pengöne jë jëne la paragarafe 10.] Kola ithahnatane fe hnene la itusi celë la itre xaa mekune ka nyimutre nge ka nyipi ewekë, ngöne la aja i Akötresie kowe la itre drai elany. Maine nyipëti a ajane troa hane atre hnyawa itre ej, haawe, hane la ketre itusi ka troa amamane koi nyipë.” Isapui ju matre troa iwai hmaca, nge xome jë la itre xaa hnepe mekune ngöne la itre hna ajane me itre hna kukehnine hnene lai atr.
5 Ame ngöne la easë a iwai hmaca, loi e tro së a nyiqaane ithahnata hmekune la itre aja ne la atr. Maine jë öni së jë hi ka hape:
◼ “Lolo catre lo porotrike nyiso hnapan, pine laka, hnei nyipëti hna hamëne la ketre mekune ka qaja la aja i Akötresieti kowe la ihnadro. [Qaja hmaca jë lai mekun.] Eni a mekune laka, tro nyipëti a madrine la itre ewekë hnenge fe hë hna hane öhn.” Fe jë la boroshüre Thele, ngöne la ini 5. E jë me ce ithahnatane la itre paragarafe ka nyimutre ne la ini celë nyine troa ahlëne la aja ne lai atr. Thupene la hna isapui göi troa iwai hmaca, hamëne ju fe la pepa ne ihë hna cinyihane ngön la itre hawa ne icasikeu ne la ekalesia. Qaja jë la aliene la icasikeu thatraqane la ka ala nyim, nge könë angeice jë fe troa hane sine la icasikeu cili.
6 Maine epuni a ajane troa tro fë la ketre aqane nyiqaane ithahnata ka thaa jole e troa trotrohnin, jëne la tarak, qaja jë ka hape:
◼ “Eni a ajane tro epuni a hane kapa la tarake celë hna hape, Quel espoir y a-t-il pour nos chers disparus?” Hamëne ju eje kowe lai atr, sipo angeice jë troa hane drenge la epuni a e la pane paragaraf. Nue angeice pi troa sa la hnyinge ka eje ngöne la pune la paragaraf. E jë la hnaaluene paragaraf, nge fe jë la itus La Révélation : le dénouement est proche! ngöne la iatr götrane 299. Qaja ju fe ka hape: “Kola hamëne hnene la itusi celë la nyimu mekune ngöne la pengöne la melehmaca, memine fe la itre xaa hna thingehnaeane ka lolo hnei Tusi Hmitrötre göi itre drai elany. Maine epuni a troa hane e la itusi celë, haawe, eni a ajane troa amë pe koi 400 F la thupen.” Wange ju fe matre troa iwai hmaca.
7 Maine tro së a xome la itre trenge ewekë ka lolo ngöne la easë a hëne la itre xaa atr, haawe, tro hë angatre a hane kapa la timi ne mel, celë hi aja lai ka eje e kuhu hni Iehova. Qa ngöne lai, loi e öni së jë kowe la itre atr ka pi ij, ka hape: “Trohemi!”—Hna ama. 22:17.