Tro Jë Ceitune Me Itre Ka Inamacan
1 Ame ngöne la Iesu a sipone kowe lo foa lao ka nyi ie troa xötrethenge nyidrë, thaa hnei angatre kö hna qeje jol, ngo hnei angatr hna “canga . . . xötrethenge nyidë.” (Mat. 4:18-22) Ame Saulo ne Tarasi, tre, hna saze hmi hnei angeic, nge ame hë la kola fe la lue meke i angeic, ke thaa hnei angeice kö hna cile hnö me hmitr, ngo hnei angeic hna “canga cainöjë Iesu hnine la ite sunago.” (Ite hu. 9:20) Ka tro la traem; thaa ka cile kö, nge ka tro palua. Celë hi matre nyipi ewekë catre koi së troa ‘tro tune la itre ka inamacan’ ngöne la aqane tro sa xome la traeme së.—Efe. 5:15, 16.
2 Ketre Ewekë Ka Traqa Xan: Ame la itre ewekë hne së hna kuca enehila matre troa nyihlue i Iehova, tre, maine jë itre ka troa paatr elany. (Iako. 4:14) Pëkö atr hna thaa troa ketr pe kö hnene la “ewekë ka xulu [xan].” (Ate Cai. 9:11) Ketre, ka tro asë hi së a qatr, nge ame ngöne la fene ka ngazo celë, thatreine kö së troa neëne la “ite drai ka ngazo” ka ketr la mele ne qatr, memine la itre ifego ngöne la hne së hna atreine troa kuca ngöne la huliwa i Iehova. (Ate Cai. 12:1) Qa ngöne lai, thaa aqane ujë ka inamacane kö la troa uthe la ijine troa sa xepu koi Akötresie, maine troa treqe ijine ka loi troa hane akökötrene la aqane troa cainöjëne la maca ne Baselaia. (Luka 9:59-62) Lapa hnyawa la mekuna i Aberahama ngöne lo itre macatre tixenuë ne mele nyidrë; ame la nyidrëti a mec, “nyipi qate catë hë, nge nyimu macate i nyidë,” nge tingetinge la mele i nyidrë, pine laka, hnei nyidrëti hna huliwane inamacanëne la mele i nyidrë, me nue apexejene ej koi Iehova.—Gen. 25:8.
3 Xoxopatre Pe Hi La Ijin: Ame mina fe la aja së, tre, ene la troa huliwane inamacanëne la traeme së, pine laka “xoxopate pe hi la ijin.” (1 Kor. 7:29-31) Easenyi catre hë matre apaatrene pi la fene celë. Ketre easenyi fe hë matre nyipune pi la huliwa ka sisitria celë, ene la troa icasinekeune la nöjei mamoe asë ngöne la ‘ijine menu e celë fen.’ (Hna ama. 14:15) Loi e tro sa thupëne matre thaa tro kö la itre ewekë hne së hna hnehengazon me itre nyine madrin a thapa la traeme ka nyipi ewekë catre thatraqane la huliwa ne cainöj. (Luka 21:34, 35) Drei la madrine ka tru elany, ngöne la easa mekune hmaca la aqane hane catre xome së la huliwa ne menu!
4 Loi e tro sa thupëne pala hi matre thaa tro kö sa triane la itre hnëqa ka lolo catr, hna aijijë së troa hane xom. Catre pi së troa kuca asë la hne së hna atrein troa nyihlue i Iehova “e lai pete kö.” (Heb. 3:13) Maine tro sa huliwa tune lai, haawe, tro hë së a amamane ka hape itre ka inamacane së, tune lo hna qaja ka hape, “troa cile huti epine palua la ate kuca la aja i Akötesie.”—1 Ioane 2:17.